وقالت لمياء حمدين فى منشور لها عبر صفحتها الشخصية على موقع التواصل الاجتماعى فيس بوك: "حد يقول لشيماء عبد المنعم مراسلة اليوم السابع إن أتخن إعلامى هنا لو كان مكانك بردو هيسأل لفنان العالمى ونجم هوليود نفس السؤال ، لييييه بقا ؟ لأنه بمنتهى البساطة شقى و تعب و طلع عينه سنين علشان يفوز باللقب دا، فطبيعى جدا أسأله ايه شعورك بعد حصولك على الجائزة ،و السؤال دا اساساً هو أول حاجة بتطلع من مراسل أو مذيع أو إعلامى لو حد حصل على جائزة او حتى حصلتله نكبة ( ايه شعور حضرتك )".
وأضافت لمياء: "حد يقول لشيماء برافو إنك سعيتى واجتهدى بشكل شخصى انك تروحى بنفسك تعملى تغطية رائعة بالرغم من كونك زوجة وأم وبتسعى إنك تكونى الأفضل دائماً
حد يقول لشيماء اوعى تزعلى من شوية ناس تافهة استهانوا بعملك و مجهودك .. ورونا شغلكوا انتو بدل التنظير ".
واستطردت مراسلة أون تى فى" حد يقول لشيماء إن ليو هو الأهبل لما ضحك و سخر من سؤالك، بس انا لو مكانك كنت هقوله اكيد انا احب اعرف شعورك النهارده بعد سنين من الخذلان ؟"، مضيفة "بس حد يقول لشيماء إن الحاجة الوحيدة اللى حسيت إنها ملهاش لازمة هيا (( أول صحفية مصرية )) مكنش ضرورى أوى، بس شطووووورة ياشيمو.. ٥ موووواه".
موضوعات متعلقة..
خالد صلاح رداً على منتقدى شيماء عبد المنعم: ننتظرك فى أوسكار 2017
علا الشافعى تكتب: عن شيماء عبدالمنعم "الفاشلة" اوعى تحلمى وبطلى المهنة أحسن.. الكارهون والشتامون على فيس بوك الذين أهالوا التراب على رأسها كشفوا الحقد والكره والتشوه النفسى الذى أصاب الكثيرين
