بالصور.. أهالى كفر صقر يربطون لصا فى عمود إنارة بعد سرقة دراجة نارية

عدد الردود 0

يا جماعة ربنا امر بالستر كفاية عليه قلمين على وشه والسرقة لم تتم

اااا

عدد الردود 0

بكره يصدر للأهالي أمر ضبط واحضار من النيابه

زي ماعمل اهالي قريه دمياط مع حرامي البط والارانب. ارسلت النيابه امر ضبط واحضار لبعض الناس اللي زفوا الحرامي علي حمار بالمقلوب بحجه حقوق الانسان. يعني الحرامي تسيبه يسرقك والا طلبتك النيابه بتهمه اهانه الحرامي بقي ده معقول ياناس الجاني والمجني عليه يدخلوا الحبس سوا

عدد الردود 0

الي رقم 2

لو كل واحد قادر علي اخد حقه اخده بايده حنبقي عايشين في غابة مصر و ليس دولة مصر - بالظبط نفس مفاهيم الاخوان مع الفرق و لكنه من نفس المنطق يعني الاخوان بيحاسبوا الناس علي ايمانهم طيب ربنا حيحاسب الناس ازاي و فيه واحد حاسبهم بدله - بالظبط زي اللي سرق حتحاسبه ولا فيه دوله تحاسبه !!! مش تنطيط مني و عوجان ولكن اقسم لحضرتك بالله البلد اللي عايش فيها لو انت نايم في بيتك و حسيت بالحرامي دخل و اهو في بيتك و مش داخل يصلح السخان و حضرتك مسكته و ايده في درج مكتبك و مجرد انك مديت ايدك عليه و قول قلم علي وشه و اللهي و ما اعبد يحبسك انت و اللي وراك لآنك لما تضربه اتغيرت القضيه و اتغير وضعك من مجني عليه لجاني . قانون و ماشي علي الناس كلها - مسكت حرامي كتفه و اتصل بالشرطه و انت مش شرطه ولا قاضي علشان تنفذ فيه حكمك فيه لابد من وجود الدوله و هي اللي تفصل حتي و إن كان متلبس. الدول المحترمه بتعمل كده و نتمني نوصلها. تقبل تحياتي

عدد الردود 0

أود ان أوضح للمعلقين :

هذا العمل الذى يجرى من الجماعة لا يمثل انتهكا للقانون . صحيح لا يوجد نص قانونى يبيح ذلك لكن أيضا لا يوجد ما يجرمه بل والنظم والأعراف الدولية تسمح به كرد فعل دفاعى اجتماعى خاصة والأمر لم يتجاوز ماكان سيفعله رجل الضبط من اجراءات القبض والتحفظ بل وحتى لو تجاوز ذلك بعض الشئ فى حدود المسموح او المحتمل فى اطار الفكر او الثقافة العامة للمجتمع والا فليجيبنى من ينتقد ذلك : ماذا كان الناس فاعلة ؟ أكانوا يتركونه وفى مثل هذا التصرف امتاع وافتان له وتحريضا على تكرار وامعان جرائمه ..

عدد الردود 0

الاخ/ناصري

انا موش عارف حضرتك عايش فين لكن انا عايش حاليا في مصر وقبل كده عشت 28 سنه في امريكا ولكن اقسم لك لو لاقيت حرامي داخل بيتي هاطلق عليه النار وبعدين اكلم الشرطه ييجوا يشيلوا الزباله لأن ده حقي القانوني من دوله تعطيه للمواطن فلا اتفق معك بانه ليس من حقي مهاجمته واشكرك

عدد الردود 0

النصيحة أفضل من الفضيحة

الحرامى هو انسان دفعته الظروف أو البيئة او التربية الى السرقة وأعتقد انه من الأفضل التعامل بانسانية مع تلك الظروف الخاصة بهذا الانسان ومحاولة معالجته . يتم القبض عليه وتسليمه للشرطة بدون ايذاء بدنى أو معنوى أو يتم القبض عليه وتقديم النصح له والعفو عنه لعل الله يهديه . الفضيحة سوف تترك أثر فى نفسية هذا الانسان وسيحاول الانتقام ولن يترك السرقة فالجميع عرف ان هذا الانسان حرامى ولايوجد مايخشاه . نشأت فى روض الفرج وكان هناك شباب منحرف وكانوا يرتكبون كل أنواع الجرائم ومع اصرار أهل الخير وشيوخ المساجد والناس الطيبة فى هذا الحى أصبح هؤلاء الشباب فى أفضل حال من الالتزام والعمل والبعد عن المشاكل وتزوجوا ولديهم أسرة وأطفال وتركت روض الفرج منذ فترة ولكنى مازلت أزور جيرانى فى روض الفرج ومازلت أقابل هؤلاء الشباب التائب وأسلم عليهم وأقضى معهم بعض الوقت لأطمن انهم لن يعودوا الى التصرفات الطائشة ومازلت أتابعهم .

عدد الردود 0

لان الشرطة مش هاتعمله كده وهايطلع يمارس حياته تاني

لازم الشرطة تشد حيلها شويه ده لو اتمسك مرة واخد حكم تمام هايكون عبرة لغيرة