علقت سيلفيا نبيل، عضو مجلس النواب، على ارتدائها "تى شيرت" منتخب مصر داخل مبنى البرلمان، موضحة أنها قررت ارتدائه قبل يومين، مضيفة: " حبيت أوضح للناس فى الشارع إن البرلمان حاسس بيهم، وأنا نائب شعب"، وتساءلت: "هو فيه حد تانى بيتكلم إلا فى الكورة دلوقتى؟".
وحول الانتقادات التى طالتها، بسبب الواقعة، أضافت النائبة، فى مداخلة هاتفية ببرنامج "ست الحسن" والذى تقدمه الإعلامية شريهان أبو الحسن، والكاتبة الصحفية حنان البهى، والفنانة الشابة ريم أحمد، "مش بحب أعلق على هذه المواضيع، لأن مافيش حاجة فى الدنيا كل الناس بتتفق عليها".
عدد الردود 0
بواسطة:
ياسرسلامة
..
مع بالغ إحترامي لشخصك .. برلمان إيه اللي حاسس بالناس؟ الناس متبهدلة وأنتم ولا أنتم هنا أساسا ولا ليكم أي دور يذكر في تحسين الأوضاع أو حتى الرقابة على الأداء الحكومي المتدهور .. دا اسمه زيطة في الهيصة لا اكتر .. حقك تفرحي وتشجعي كمصرية بس بلاش ندخل البرلمان في جملة مفيدة هنا واساسا ياريت نبعد الايحاءات السياسية عن الرياضة.
عدد الردود 0
بواسطة:
المصرى افندى
الكلام ده على الكافية يا اختى !!
حتى الان لايعرف السادة النواب ان برلمان مصر من البرلمانات العريقة فى العالم والتى لا يجب ان يتم التحرش بها كما يفعلون !! ودايما لديهم حجج فارغة !!
عدد الردود 0
بواسطة:
الاسواني الاصيل
,ياريت تشاركونا في الاهم
للنائبة المحترمة ...أنتم بتحسوا بينا في الفرح بس . ايه رأيك تركبي الأوتوبيس مع الشعب ..وتخلي تلاجتك وجيوبك فاضية زي الشعب الله يخليكم اسكتوا علشان الرقص والحنجلة ما بقتش تاكل مع الشعب
عدد الردود 0
بواسطة:
غاوى كورة
تصوروا؟
هل تتصوروا ان مثل هذه العقليات هى التى تشرع القوانين التى تتحكم فى حياتى وحياتك ، عليه العوض
عدد الردود 0
بواسطة:
على
دا فراغ عقلى
دا فراغ عقلي
عدد الردود 0
بواسطة:
مصراوى
هى بتتكلم باسم البرلمان ليه
هل هى مفوضة للحديث باسم البرلمان كله على بعضه وللا هى مزايدة ومتاجرة
عدد الردود 0
بواسطة:
على على
ادي أخرت الكوتة
هى دى افرازات نظام الكوتة..... ادى اخرت نظام الكوتة
عدد الردود 0
بواسطة:
هاني
يلا نلعب نواب
و هو انتو متحسوش بينا غير في التفاهة
عدد الردود 0
بواسطة:
أحمد خالد محمد أحمد
برلمان العار
من امتا البرلمان كان حاسس بالناس ---- كان عمل ايه في ازمة نقص السلع و ارتفاع الاسعار كل يوم و كل ساعة و اختفاء الرقابة علي الاسواق و ازمة نقص الدواء و ارتفاع اسعاره بشكل جنوني ---- فين الدور التشريعي للمجلس فين الدور الرقابي اللي المفروض يقوم بيه --- كل اللي عمله ان سرق 18 مليون جنيه من قوت الشعب الغلبان و جاب بيها عربيات مصفحة لرئيسه و وكيليه دا غير المرتبات و بدل الجلسات و المكافات اللي بالملايين اسف المليارات --- يكفي ان البرلمان في لائحته الداخلية منع الاجهزة الرقابية ( الجهاز المركزي للمحاسبات و هيئة الرقابة الادارية ) من مراقبته و مراقية ميزانيته --- يكفي انه برلمان بصمجي للحكومة كل القوانين اللي شرعها جهزتها الحكومة ---- اقسم بالله معظم القوانين دي ما في حد ناقشها و لا بصلها حتي
عدد الردود 0
بواسطة:
عماد شوقي
شو اعلامي
والله هيافه وشو اعلامي مش اكتر