عرض برنامج "السفيرة عزيزة" تقريرا تليفزيونيا على قناة dmc، حول قيام فتاة مصرية تدعى فيبى فرج بإقامة مشروع صغير "قهوة وكتاب".
وروت فيبى فرج قصتها للمشروع قائلة: "بدأت المشروع فى 2021 وتركت المجال الرئيسى لى وهو البى آر وفكرت فى مشروع صغير على أد إمكانياتى، واشتريت عربة عجلة صغيرة لعمل القهوة"، مؤكدة: بحب القهوة والكتابة والشعر فى نفس الوقت، ولذا قررت أعمل الحاجة اللى بحبها.
تابعت: "بحب أقدم القهوة على مزاج الشخص اللى هيشربها أو أى مشروب ولكن القهوة خاصة، لأن فيها تفاصيل كتير لما بنهتم بها بتفرق فى طعمها ومزاج الشخص اللى بيشربها، كما أنها بتفرق فى مود اللى بيقرأ لانها بتعطى كافيين وتخلى القارىء مصحصح شوية".
وواصلت حديثها: طبيعى اللى منتظر القهوة بيحب إنه يقرأ ويتصفح، ولذا وفرت كتب للزبائن، والحمد لله نجحت فى عمل ده.
ووجهت نصيحة للشباب: أى حد حاسس بمشاكل أو عراقيل فى حياته، لا تيأس وكمل، ولو الأبواب إتقفلت فى وشك أكيد فى باب مفتوح مستنيك، فالحياة لا تقف عند نقطة معينة ديما، لازم نحاول ونجدد ونجرب.
