علق الفنان هانى عادل على صفحته الشخصية بموقع التواصل الاجتماعى فيس بوك بعدما لاقت أغنيته "الحظر يابيبى" بعض الانتقادات على موقع اليوتيوب بعد طرحها، قائلا إن "أغنية الحظر يا بيبى أغنية تهكمية ساخرة وإن شاء الله المرة اللى جايه هانزلكم أغنية بالكتالوج أو ابقى اعملها ڤيديو tutorial اشرح فيه كل حاجة، بس لغاية ده ما يحصل حاول تقرا اللى فى أول الغنوة بس واتبسط أو لأ طب خلاص متزقش".
وكان هانى كتب فى بداية الأغنية: "الأغنية دى مش المقصود بيها التقليل من الأحداث الصعبة اللى إحنا عايشنها كل يوم أى طرف مع أو ضد أكيد كل ده لازم يأثر فيه اللى بيحصل، حتى لو قاعد على البحر ممكن برده تبقى حاسس باللى بيحصل فى بلدك وناسك مش لازم يكونوا شبهك علشان تحس بيهم، افتكر أنهم مصريين زيك سواء علمانيين أو متدينين أو معتدلين، الغنوة دى معمولة لناس مبتحسش خالص باللى حاصل هنا مش معمولة علشان نزعلهم ... بس علشان تفكرهم.... الغنوة هزار فمحدش يزعل ..لو عجبتك سمعها لناس تانية لو معجبتكش... مش هقولك مش مهم بس يمكن تعجبك غنوة تانية بعدين.... هانى عادل".
الأغنية من كلمات وليد عبد المنعم، وألحان وغناء هانى عادل.
