محمد حسن يكتب: الإخوان عاشقو الكراسى

الكرسى والإخوان ومرسى العلاقة بين الثلاثة هى المشكلة فسبب المظاهرات التى يقوم بها الإخوان علشان مرسى طبعاً لا، ده علشان الكرسى، إذن العلاقة بين الكرسى والإخوان علاقة طردية قوية جدا، طيب هيجى واحد من الإخوان هيقولى السيسى بتاع انقلاب وساعده الجيش والقضاء والإعلام، هروح أنا أسأله سؤال واحد إنت بتعترف بهذا النظام، سيكون الرد بسخرية جامدة جدا هيقولى لا مكملاً يسقط حكم العسكر، هروح سأله سؤال تاني: ليه دخلتوا انتخابات التجديد النصفى لنقابة الأطباء فى ظل هذا الانقلاب هيسكت شوية: ومش هيعرف يجاوب.

بس أنا عندى إجابة هى: حب الكرسى، بطالب الإخوان أن يكونوا أصحاب قضية مش أصحاب مصلحة (كراسى)، بطالب قيادات الإخوان أن يفهموا أن الشعب المصرى كرهم، بطالب مؤيدى الإخوان يفكروا شوية علشان الإخوان لما هتجلهم المصلحة (كرسى) هتخدهم تحت المخرطة.