كل عام وأنتم بخير بحب.. مع بداية كل عام أحدد أهدافى متمنية من الله عز جل أن يساعدنى على تحقيقها، لسنة دية حبيت تشاركونى تحديد الأهداف لأننا بصراحة فى سنة حاسمة كلنا محتاجين نحدد هو إنا عاوزين إه؟ عشان كده أنا عملت جروب على "لفيس بوك"وبحكم عملى كمعدة برامج عملته كفكرة برنامج، لأننا محتاجين فى السنة دى نحدد إحنا عاوزين أيه.
يعنى نعرف إحنا عاوزين إيه من الرئيس القادم سواء أكان سيادة الرئيس حسنى مبارك أو غيره مع احترامى لسيادته، عاوزين إيه من نظام الحكومة اللى بنتمنى أن يتغير لأن النظام الحالى مصمم على بناء جدار عازل بينه وبين الشعب من ضمن الجدران اللى بتتبنى، عاوزين نتخلص من السحابة السوداء اللى غطت سماء القاهرة، وتعبت صدور المصريين وقلوبهم من كتر الهموم اللى الشعب حاسس بيها، وعاوزين نتخلص من أكوام الزبالة اللى ملت شوارعنا اللى عاوزين لها مصانع تعيد تصنيعها مش عاوزين مليارات للتخلص منها، عاوزين من وزير المالية يشعر شويه بالمواطن المصرى اللى شوية هنلاقيه بيعمل ضريبة على الماء والهواء الصراحة ..
إحنا عاوزين حاجات كتيرة ومنتظرة مشاركتكم معايا فى اللى عاوزينة ومفيش مانع إن الحكومة كمان تقول هى عاوزة إيه، يا خوفى تكون عاوزة تتخلص من الشعب المصرى كله.
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة