جوه المتاهة الناس عايشين
ساعات فى شمال
وساعات فى يمين
يباتوا يحلموا مش نايمين
وحوش يكونوا وبنى آدمين
والصح فين؟ مش عارفين
الشر ولا الخير راضعـــــين
وفى عز الفرح.. القلب حزين
يسكت ... يتكلم ...
محناش فاهمين
عاملين أغبيا.......
لكن على مين
قبل الدعاااااااااااااا
لازم نكون متوضيين؟
نسأل ... ... ونسأل
والإجابة متحيريين
ملايكة ماشين مع شياطين
واتلخبطوا والناس تايهين
وكلنا ع الباب واقفين
وسع ياسيدى شوية شمال
وانتى ياستى شوية يمين
لما نشوف رايحيين ع فين
الظلم عالق بالجبين
والحق حالف 100 يمين
يا أما نخرج من المتاهة
لا أما نهلك أجمعيــــــــن
جوه قضايا الناس عايشين
حتى آلمهم جوه ضلوعنا
خايفين ساعات
وساعات راضين
نضحك ونضحك وفى النهاية
نــــــــــروح باكيــــيـــــــــن
عارف يا قلبى الحق فيــــن؟
عارف وساكت!!!!!!!
طيب ماهم كمان عارفين
زى الشمس شرق وغرب
زى طريق شمال ويميــن
زى الفجر لما بيصــــحــى
والناس نايمــيـن.
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة