يا عالم لوحدك فين الحقيقة
يا سامع وقادر
فى نفس اللحظة
ونفس الدقيقة
تكشف لمصر ولشعب مصر
بيبان أو طريقة
عشان كله يعرف
مين كان عدوه
ومين كان حبيبه
ومين الصديق
ومين الصديقة
واللى بتؤمر ولادها
بخير أو بشر
وجوزها الكبير
ملاك أو شيطان
حباله عتيقة
يا عالم يا رب فين الحقيقة
.....
تُمهِل ولا تُهمِل
وينزل بيانك ينور طريقنا
ونعرف ساعتها
مين اللى باعنا
ومين اشترانا
ومين كان سارقنا
ومين اللى عاش
يحافظ علينا
ومين كان سعادته فى حريقنا
ومين اللى خان الأمانة
يا عالم يا رب
فين الحقيقة
......
عشان حكمك إنت حكم العدالة
رضينا يا رب وقلنا استحالة
نرضى لغيرك
وحكمك رسالة
لكل اللى يسأل
فين الحقيقة ؟
وكل اللى يكتب كلام أو مقالة
عالم لوحدك
تستر وتفضح
وحكمك يا رب حكم العدالة
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة