بكينا كتير ومش باين
لدمع عنينا غير حيرة
قلوبهم دى كما الصخرة
ودانهم طينه وعجينه
و مهما نقول ونتعاتب
يقولوا علينا ...زييطه !
ولو نسكت ونتحايل
نلاقى دماغنا ف الحيطه !
يا موكب بالهموم ساير
كفايه ارجع ..دى توريطه !
صبرنا كتير على حقوقنا
و قالوا السوق ده مش سوقنا
ده سوق نتباع ومنبيعشى
و ان بعنا نقوم نقبض
هموم مغموسه ف اللقمه
و برده نجوع منشبعشى !
ده أصل اللقمه مسمومه
بهم الذل ملمومه
لامتى هاعوم ف بحر الذل
كفايه ظلم يا حكومه !
بقيت أصحى أنام تانى
و لما أحلم أموت خمسين
تلاااااااااااف مرة !
و لو مرة قاومت الموت
ألاقى الموت يصحينى !
يقولى اصحى ده حلم عبيط
صاحى ونايم ..مفيش غيرى !!!
صورة أرشيفية
مشاركة
اضف تعليقاً واقرأ تعليقات القراء
مشاركة
اضف تعليق
تم أضافة تعليقك سوف يظهر بعد المراجعة
عدد الردود 0
بواسطة:
الكاتب السيناوى احمد محمود المالح
موهوبه جدا
عدد الردود 0
بواسطة:
ايمن حسن
عندما تتحدث الموهبة عن نفسها