المياه الجوفية تغمر قرية البرقى ببنى سويف والأهالى يعانون

يواجه 6 آلاف نسمة من أهالى قرية البرقى التابعة لمركز الفشن جنوب بنى سويف خطر الموت يومياً تحت أنقاض منازلهم الغارقة فى المياه الجوفية، حيث انهار منزلان وتم تهجير 25 أسرة لتصدع منازلهم نتيجة غرقها بالمياه الجوفية.

وتقول إيمان ربيع موظفة وأم لأربعة أطفال، وزوجها من ذوى الاحتياجات الخاصة": المياه غرقت البيت كله ومش عارفين نعمل أيه، ولما طالبنا المسئولين بدخول الصرف الصحى قالوا استنوا لسنة 2018، ومن هنا لحد 2018 هتكون البيوت وقعت علينا".

وطالب عيد عاشور موظف بوزارة التربية والتعليم محافظ بنى سويف بالتدخل لإنقاذ القرية التى تعوم على المياه الجوفية، مشيراً إلى أن أكثر من منزل بالقرية تم تهجير ساكنيهم.

أما بيومى أحد الموظفين بالتأمينات الاجتماعية طالب المسئولين بالتدخل قائلا: "بالله عليكم ارحمونا، أنا سبت بيتى الملك اللى أبويا سبهولى عشان مليان ميه، أنا عايز كل مسئول بيسمعنى يجى بس يشم الريحة اللى إحنا فيها".

ويناشد الحاج محمود محمد المسئولين بالتدخل لحل مشكلة المياه الجوفية قائلاً: "يا خلق يا هو معايا 8 عيال والناس عطفت عليا وادونى بيت صغير أقعد فيه بعد لما البيت اتهد عليا أنا وعيالى، ده يرضى ربنا، يا ناس ارحمونا". مطالبا المسئولين بإدخال الصرف الصحى للقرية.