مستخدمو الهاشتاج من رواد موقع التدوينات القصيرة تويتر، زعموا أن منع الجهاز القومى لتنظيم الاتصالات لخدمات الـVOIP، جاء بحجة السيطرة على العناصر الإرهابية، وحماية الأمن القومى، وهو ما دعا المستخدمين للسخرية بقولهم :"بلاها فيس بوك وبلاها واتس آب وخلينا نرجع لعصر الحمام الزاجل".
وسخر أحد المستخدمين من عنوان الهاشتاج المستخدم فى الحملة، قائلاً: "هو أصلا فيه إنترنت فى مصر عشان ننقذه، مبقتش فارقة يقفلوا اللى يقفلوه".
حسين محيى عبر عن استيائه من الأنباء التى ترددت عن غلق الخدمات الصوتية، بقوله: "العالم يتقدم إلى الأمام وإحنا بنرجع لورا بس الظاهر كدا اتكعبلنا كتير".
أما أحمد الصغير فقد عبر عن سخطه قائلاً: "هنرجع تانى للحمام الزاجل ومكاتب البريد ودقيقة المحمول بـ2 جنيه.. تحسوا كدة إن مصر دى دولة مبنية بفلوس حرام".
المدون والكاتب عمرو سلامة، شارك فى الهاشتاج ساخرًا: "مصر تعيش عصر الحفريات والحمام الزاجل"، مضيفًا: "آلاف المصريين اللى موجودين بره مصر لما صدقوا يشوفوا أهاليهم فيديو عن طريق النت، وزارة الاتصالات عايزة ترجع مصر 50 سنة ورا".
بينما شارك أحمد زعتر بقوله: "الدول شغلت 4G وبدا يستعدوا لتشغيل 5G وإحنا عندنا 3G مش شغال حتى ولا محصل 2G إحنا هنرجع لزمن الجوارى والحمام الزاجل باين".
