السيسى:إعلامى بيقول الرئيس قاعد مع"سيمنز"وسايب إسكندرية تغرق..مايصحش كده

علَق الرئيس عبد الفتاح السيسى على الأزمة التى وقعت مؤخرًا فى محافظة الإسكندرية بعد هطول الأمطار بكميات كبيرة وغرق الشوارع وبعض المناطق بها، قائلاً: "السنوات الخمس الماضية كان لها تأثير كبير على قدرة الدولة وأجهزتها وبنيتها الأساسية، وكل مسئول يعرف هذه المشكلات جيدًا، وإحنا فى ظروف صعبة لها سنوات، ماحدش قال فى موضوع إسكندرية إن فيه 60 ألف منزل اتبنوا خارج التخطيط بدون صرف صحى أو كهرباء أو مياه..إلخ، وهذا أحد أعراض السنوات الماضية".

واستطرد الرئيس موجهًا حديثه للإعلاميين: "هو أنت عشان قدام منك كلام عاوز تقوله تعمل كده فى بلدك ولا إيه؟ إحنا لازم نتعامل مع الموضوعات بالفهم اللازم.. وأحد الإعلاميين بيقول: الرئيس قاعد مع بتوع سيمنز وسايب إسكندرية تغرق مايصحش كده.. هذا أمر لا يليق.. إنتو بتعذبونى إنى جيت هنا ولا إيه؟".


وأضاف الرئيس غاضبًا: "فيه بعض الناس فى الإعلام مش عارفة ولا فاهمة حاجة، حاطة ميكروفون قدامها وبتتكلم منه، إحنا مش بندوس على الزرار ونخلص، ونقول كل حاجة فيها كارثة، طيب يعنى الإعلام ما فيهوش كوارث ولا إيه؟".


وأضاف الرئيس: "أنا مش زعلان.. بس عاوز حد يقولى أنا اسأت لمين، اتحدى إن حد يطلع أى تعبير غير مناسب أنا قلته لأى حد حتى للناس اللى بتسيء لينا وتتآمر علينا، المرة الجاية أنا هشتكى للشعب المصرى منكم موجهًا حديثه لبعض الإعلاميين".

موضوعات متعلقة..

- السيسى: بنبذل جهد ربنا اللى يعلمه.. ولازم الحكومة والإعلام يتحملوا مسئولية


- السيسى: لا أبيع الوهم للشعب بس اوعوا تدونى ظهركم وتمشوا


- السيسى: بنهاية الشهر الجارى لن تكون هناك مشكلة فى الغاز لأى مصنع بمصر


- السيسى: "نحمى دولة ولا نحمى نظاما" وتحسن كبير فى الأمن الجنائى


- السيسى: قادرون على مواجهة كافة التحديات ويجب الحفاظ على وحدة الشعب المصرى


- السيسى: لا نمانع التعاون مع موسكو لاستجلاء الحقيقة فى حادث الطائرة المنكوبة


- السيسى يشهد ندوة تثقيفية بمسرح الجلاء للقوات المسلحة