نقلا عن موقع برلمانى..
فى مفاجأة من العيار الثقيل.. ينشر موقع "برلمانى" أخطر مقطع فيديو، لشراء الأصوات فى الانتخابات البرلمانية بدائرة الشرابية والزاوية الحمراء بمحافظة القاهرة، حيث يكشف الفيديو جلسة "فصال" بين سمسار انتخابات وسيدة بمكتب صديق عفيفى المرشح الخاسر بدائرة الزاوية الحمراء والشرابية، ليقوم السمسار بعرض أعداد البطاقات، وأماكن تواجدها، وتدخل معه سيدة بالمكتبة فى وصلة من "الفصال"، والاستفسار، والتفاوض معه بشأنها.
![اليوم السابع -12 -2015 اليوم السابع -12 -2015](http://img.youm7.com/images/NewsPics/gallery/pics/1220152012194826316219-فضيحة-انتخابية-بـالصوت-والصورة-(3).jpg)
والمثير فى الفيديو هو ظهور النائبة مارجريت عازر، عضو مجلس النواب عن قائمة "فى حب مصر" بقطاع القاهرة وجنوب ووسط الدلتا، والجلوس والاستماع وتوجيه الأسئلة والتفاوض مع السمسار، وسط حوار مفصل بين السيدة الموجودة فى المكتب والسمسار، والكل يبدأ التفاوض فى المبالغ المالية وعدد البطاقات، وأسماء الناخبين، الذى تمكن السمسار من جمع أصواتهم، والذى وصلوا فى الفيديو نحو 450 صوتا.
وإليكم نص "الحوار" بحسب ما جاء على ألسنة المتحدثين فى الفيديو :..
السمسار: إحنا بنلم بطايق من النهاردة وبنيجى يوم الانتخابات بندخلها على الكمبيوتر ملوحا بيده بإحدى صور البطاقات التى حصل عليها.. لتقاطعه السيدة الموجودة بالمكتب: ادينى بطاقتهم عشان نجيب رقم اللجنة عشان نتأكد بالضبط
السمسار: أنا معايا صور بطايقهم أهى وكل حاجة
السيدة الموجودة بالمكتب: أنت جايب بطاقيهم ؟
السمسار: آه طبعا
السيدة : كويس.. حلو معاك أد إيه؟
السمسار: دول حوالى 450
السيدة : صوت؟ تقصد صوتا انتخابيا
السمسار: آه صوت اللى هما موجودين فى الواقع معانا هنا
السيدة: كام مدرسة ؟
السمسار: أكتر من 6 مدراس
وتظهر صورة المرشح الخاسر صديق عفيفى معلقة على أحد الجدران بالمكتب
السيدة الموجودة بالمكتب متفحصة البطايق: دول كلهم عبد المنعم.. دول 400
السمسار ردا على السيدة: حلو
ثم تدخل المرشحة مارجريت عازر إلى المكتب وتجلس فى مواجهة السمسارين
إحدى السيدتين مارجريت عازر أو السيدة الأخرى الموجودة بالمكتب منذ بداية الفيديو.. تسأل دا عشان الشحن ولا إيه؟
السمسار: آه
السيدة: طيب احنا نظامنا أيه؟
النائبة مارجريت عازر: هى البطايق دى بتاعة مين؟
السمسار: محمد حسنى حضرتك دا أخ فاضل لينا.. ومتربى معانا.. ودا من حكر السكاكينى
النائبة مارجريت عازر: طيب ما انتوا ليكوا تلات مرشحين
السمسار: آه ما أنا فاهم
مارجريت عازر أو السيدة الأخرى الموجودة بالمكتب منذ بداية الفيديو: قولى طيب يا حاج
السمسار: حضرتك كلك نظرك
إحدى السيدتين: قولى انت بس عايز أيه
السمسار: اللى حضرتك شايفاه.
![اليوم السابع -12 -2015 اليوم السابع -12 -2015](http://img.youm7.com/images/NewsPics/gallery/pics/1220152012194824815579-فضيحة-انتخابية-بـالصوت-والصورة-(2).jpg)
لينتهى بذلك الحوار بين السمسار والسيدة الموجودة بالمكتب والنائبة مارجريت عازر، ولكن حرصا من موقع "برلمانى" على عدم نشر الفيديو دون الحصول على رد مارجريت عازر عضو مجلس النواب عن قائمة "فى حب مصر"، فقام بالاتصال الهاتفى بها.. وإرسال مقطع الفيديو لها، لمعرفة ردها، إلا أنها نفت فى اتصالها بالموقع صلتها بالفيديو، ثم عاودت الاتصال بالموقع لتؤكد نفيها.
مارجريت عازر تتحدث مع "برلمانى" بعد إرسال الفيديو لها..
قالت مارجريت عازر فى تصريحات لـ"برلمانى": أولا ناس بتتكلم على الكشف على اللجان.. وأنا لم أتكلم فى شىء والكلمة التى قولتها أنا معرفش حاجة، أنا ضيفة وما الخطأ فى هذا، وما هى الواقعة أساسا؟
وأضافت عازر: لا حد كان فى إيده فلوس .. والفيديو دا حاجة ساذجة لتشويه سمعة الناس.. وإيه اللى يخلينى أدخل مفاوضات أنا مرشحة قائمة.. ودخلت 100 انتخابات قبل كده.. ومعملتش كده، وتابعت لا سلوكى ولا أخلاقى تسمح بذلك، الموضوع ملوش أساس من الصحة، واللى معاه حاجة يوديها اللجنة العليا للانتخابات تفصل فى صحتها.
![اليوم السابع -12 -2015 اليوم السابع -12 -2015](http://img.youm7.com/images/NewsPics/gallery/pics/1220152012194824815982-فضيحة-انتخابية-بـالصوت-والصورة-(1).jpg)
الجدير بالذكر أن دائرة الزاوية الحمراء والشرابية قد حسمت لصالح المرشحين المستقلين أمين مسعود وإيهاب العمدة ومرشح المصريين الأحرار عمرو وطنى.
![اليوم السابع -12 -2015 اليوم السابع -12 -2015](http://img.youm7.com/images/NewsPics/gallery/pics/1220152012194826316428-فضيحة-انتخابية-بـالصوت-والصورة-(4).jpg)
![اليوم السابع -12 -2015 اليوم السابع -12 -2015](http://img.youm7.com/images/NewsPics/gallery/pics/12201520121948263128880-فضيحة-انتخابية-بالصوت-والصورة-(6).jpg)
لقراءة الموضوع على موقع برلمانى اضغط هنا..
عدد الردود 0
بواسطة:
عبد المعز
كلمة حق لوجه الله
عدد الردود 0
بواسطة:
1
1
إلي فالفيديو ديه واضح انها مش مارجريت عازر
عدد الردود 0
بواسطة:
محمد المصري
خسارة
عدد الردود 0
بواسطة:
محمد زيادة
التزوير.......بيدي لا بيد عمرو.....!
عدد الردود 0
بواسطة:
محمد حما د
التمثيل علي الشعب
عدد الردود 0
بواسطة:
شريف
عدي الكل مشترى الصوات
عدد الردود 0
بواسطة:
محمد حما د
غرامة ال 500 جنية لمن يقاطع الانتخابات
عدد الردود 0
بواسطة:
yasser
المشكلة الاساسية هى الحكـــــــــــــــــــــــــــــــــــومة
عدد الردود 0
بواسطة:
السيد العبد
اولا : كل الشكر الى الصحفى ًجورنال اليوم السابع
عدد الردود 0
بواسطة:
محمد مشعل
المفروض يتم طرد أي نائب زور أو رشي الناخبين للحصول علي أصواتهم