بالفيديو..الفنانة زينة تخرج عن صمتها وتتوعد أحمد عز بـ"ست الحسن": حسبى الله ونعم الوكيل فيك وهاجيب حقى من حبابى عنيك.. فين الرجولة والأخلاق وإحساسك يافنان.. و"عيب أوى لما تقف قدام ست وطفلين"

هاجمت الفنانة زينة، الفنان أحمد عز، على خلفية دعوى إثبات النسب المقامة ضد عز، وتوعدته بمواصلة المطالبة بحقوق أولادها، مؤكدة احترامها وثقتها فى أحكام القضاء.

رسالة الفنانة زينة لأحمد عز

وجهت الفنانة زينة، فى مداخلة هاتفية مع الإعلامية شريهان أبو الحسن، مقدمة برنامج "ست الحسن"، المذاع عبر فضائية "on tv"، رسالتها لـ"أحمد عز"،: "عيب أوى.. اللى أنت بتعمله لارجولة ولا أخلاق، وما يصحش أنك تقف تحارب أولادك الاتنين.. عيب أوى لما تقف قدام طفلين وواحدة ست، والست دى هى أمهم اللى أنت اتجوزتها، وأنت عارف الحقيقة كويس أوى".

زينة تحذر الفنان عز بكشف الحقيقة

وحذرت زينة عز من كشف الكثير حال استمراره على موقفه، قائلة، "من مصلحتك تطلع تقول الحقيقة، لأن لو طلعت وقلت للناس حقيقتك وحقيقة كذبك عليهم، أنت مش هاتعرف تمشى فى الشارع".

فى لهجة شديدة التحذير توجه رسالة له لعدم اعترافه بطفليها

وأكدت الفنانة، أنها لن تترك حق أولادها، قائلة، صعبان عليا اللى بيعمله أحمد عز فى أولاده، وأنا مش هاسيب حقى ياعز، ومش هاسيب حق عيالى وهاخده، وهاجيبه من حبابى عنيك.. مافيش حق بيروح وراه مطالب، وأنا مش مطالب عادى.. أنا أم.. حسبى الله ونعم الوكيل فيك.. أنت هاتروح من ربنا فين.. لدى إثبات على كل ما أقوله.. أنا عندى كتير أوى وساكتة وصابرة ومحترمة أولادى، والحقيقة ستقال فى يوم من الأيام".

وتابعت: "إن كنت تخشى جمهورك.. جمهورك ما بيحبكش.. أنت واقف أولادك الذين بحاجة إلى الستر وبإذن الله هما اللى هياخدوا حقهم منك".

وتؤكد احترامها لقرار المحكمة بحظر النشر

وأكدت زينة احترامها لقرار المحكمة بحظر النشر، معقبة: "لن أتحدث كثيرًا فى تفاصيل دعوى النسب ضد عز لاحترامى قرار المحكمة الموقرة، ولكن هناك ناس مش فاهمة فى القانون بتقول: إن أبو الولاد اللى فى الصورة ده النيابة حكمتله، والحقيقة إن رأى النيابة ده غير ملزم بالمرة، ورأيها استشارى بس، وإن المحكمة لسه ماحكمتش فى القضية، وأحنا مستنيين الحكم العادل، وإن ربنا فوق الجميع، وهو اللى هايحكم لنا بإذن الله".

زينة وآخر ما طلبت من عز

وحّملت زينة أحمد عز، مسئولية ما يحدث من تداعيات، قائلة "القصة تحكى خطأ.. أنت السبب فى وصول الأمر للمحاكم.. والناس مش هاترحمك لو أظهرت الحقيقة.. مذهولة أن فيه بنى آدمين كده أنت المفروض فنان فين إحساسك.. دا أنت عبد، استر، دا ربنا بيستر".