شكاوى الموظفين
وشكا أحد العاملين ويدعى على بمجرد خروج الوزير إليهم قائلا: "مأخرين حافز المميز بتاعنا اللى مفروض بنصرفه أول كل شهر، وحتى الآن مصرفناش.. أنا قميصى مقطع ومش عارف أجيب قميص غيره عشان معيش فلوس"، وقال آخر: " محمد عبد الصبور مدير مكتب سيادتك بيعاقبنا ومأخر حافزنا عشان قدمنا شكوى جماعية فيه لسيادتك".
وقال موظف للوزير أثناء مروره على مكاتبهم لسماع شكواهم: "فيه 18 قيادة مسيطرة على الوزارة وبتمنعنا نقابل حضرتك وبتاخذ كل الفلوس اللى بتيجى من هيئات الموانئ لمكتب الوزير، وبتعطينا الفتات.. والفتات ده كمان عاوزين يمنعوه.. وإحنا مش بنعرف نوصل حاجة لسيادتك عشان منعنا من الوصول إليك"، فرد الوزير سائلا: ميرفت عبد الغنى رئيس الإدارة المركزية لشئون الأمانة العامة لديوان الوزارة التى كانت برفقته عن سبب تأخير صرف الحافز المميز للعاملين.
رئيس الإدارة المركزية لشئون الأمانة العامة ترد
لترد رئيس الإدارة المركزية لشئون الأمانة العامة للديوان موجهة كلامها للوزير: "أرسلت كشفا بالأسماء وموجود على مكتب سيادتك"، ليرد الوزير: "مفيش حاجة وصلتنى"، لتقول ميرفت: "أرسلته لمدير مكتب سيادتك محمد عبد الصبور منذ فترة"، ليرد الوزير منفعلا: "أنتِ تبعتى لعبد الصبور وعبد الصبور يرد عليكِ وأنا ميوصلش ليا حاجة، العمال ميصرفوش حوافزهم!.. ده مينفعشى معايا.. وأنا عاوز على مكتبى فورا كشف بكل ما يتقاضاه كل قيادة وكل عامل موجود بالمكتب.. عاوز أعرف كل واحد بيصرف أد إيه كل شهر".
تعهد وزير النقل للعاملين بحل مشاكل العاملين
وتعهد وزير النقل للعاملين بحل مشاكل العاملين وصرف الحافز المتأخر والتحقيق فى شكوى ما يتقاضاه الـ18 قيادة من رؤساء الإدارات المركزية ومديرى العموم بالمكتب، قائلا: "هذا الأمر لن يمر مرور الكرام، فيما قال عامل إن مدير مكتبك عبد الصبور وسكرتيرك أحمد سعيد يمنوعنا من الوصول إليك، ليرد الوزير: "أنا هاجى لمكاتبهم بنفسى وأسمع شكواكم".
وقالت مصادر لـ"اليوم السابع" إن وزير النقل كان قد توجه لمزاولة نشاطه من مكتب الوزير الموجود بشارع قصر العينى نتيجة لأعمال الترميمات المحدودة التى تجرى بمكتبه الكائن بمدينة نصر، وأن العاملين بالديوان العام الموجود بشارع القصر العينى ثاروا عندما علموا بوجود الوزير.
موضوعات متعلقة
- العاملون بديون وزارة النقل يتجمهرون أمام مكتب الوزير للمطالبة بالحوافز
تم أضافة تعليقك سوف يظهر بعد المراجعة