وحذر السيسى المصريين خلال كلمته من خطورة المرحلة، والقضايا التى تتطلب التوقف كثيرا أمامها، قائلاً: "اللى بيقدر يقتل ويخرب ويدمر وينغص حياة 90 مليون فاكر إنه بيقرب لربنا دون أن يدرى أنه يسىء لله وللدين الإسلامى، دين الأمن والسلام".
ووجه السيسى رسالته للمصريين: "أنتوا بتتطلبوا منى ودا حقكم، وبجد دمى وروحى عشان خاطر بلدنا والـ90 مليون.. ومستعد اتقتل فى سبيل 90 مليون وهذا الكلام للجيش والشرطة أيضًا.. أنتم تموتون عشان غيركم يعيش".
وأشار السيسى إلى أن المرحلة الأولى من مدينة الإسماعيلية الجديدة وشرق التفريعة تجهز لها قوانين جديدة وستشهد افتتاح العديد من المشروعات، قائلاً: "سيتم افتتاح مزارع سمكية وتوسعة مصانع الأسمنت وغيره، بس أنا مش عاوز اتكلم كتير عشان الأشرار من أهل الشر.. صدقونى فيه كلام كتير ممكن أقوله، بس أنا عارف أهل الشر بيسمعوا الكلام وييجوا على الحاجة الطيبة وعاوزين يحرقوا قلبنا وقلبكم عليها.. ولو قلنا كل حاجة وخططنا وترتيباتنا أهل الشر هايزعلونا ويزعلوكم عشان كده مش كل حاجة تتقال".
أخبار متعلقة..
- السيسى: "طول ما المصريين على قلب رجل واحد فلا تحدى يستطيع أن ينال منا"
