السيسى: "مفيش حاجة تقلقنى غير إننا نختلف.. ومحدش هيقدر ينال من مصر"

شدد الرئيس عبد الفتاح السيسى على ضرورة ألا يختلف المصريون وأن يكونوا على قلب رجل واحد، مضيفًا: "بقولها كتير ومفيش دايمًا حاجة تقلقنى أو أخاف منها غير أننا نختلف".

وأشار الرئيس، خلال حفل الإفطار الذى أقيم تحت رعايته اليوم الأربعاء، وحضره ممثلون عن القبائل المصرية، وقيادات العائلات فى الصعيد، ورجال أعمال، وفنانون وإعلاميون، ورؤساء أحزاب سياسية، إلى أن مصر قادرة على أى تحديات.

وقال السيسى: "طول ما إحنا مع بعض، محدش أبدًا بفضل الله يقدر ينال من البلد.. فكروا وشوفوا الدنيا من حولنا واسألوا ليه مصر محصلش معاها كده.. ربنا نجا مصر بالمصريين.. مش كويس أن بعض مننا يختلف، المصلحة العليا لبلدنا إنها تفضل متصانة".

وأكد رئيس الجمهورية: "الـ90 مليون مواطن مصرى فى رقبتى جميعًا.. كل المصريين مش أنا بس"، وكل إنسان مسئول عن الـ90 مليون يفضلوا عايشين.. وكنا نتمنى أن كلنا منختلفش لكن مش كل اللى بنتمناه بيحصل، ممكن نختلف بس ميبقاش خلاف".

- السيسى: "مفيش حاجة تقلقنى غير إننا نختلف.. ومحدش هيقدر ينال من مصر"
- السيسى:"قبل السنة ماتخلص البرلمان هينعقد.. اختاروا صح لأن مصر هتدفع التمن"