السيسى ينقل رسالة والد الشهيد حسام كمال.. ويؤكد: أنقذ 90 مليون مصرى

وجه الرئيس عبد الفتاح السيسى، التهئنة إلى الشعب المصرى وكل الدول العربية، بمناسبة عيد الفطر المبارك، كما وجه التحية والاحترام لكل شباب مصر، جاء ذلك خلال مشاركته فى حفل إفطار "الأسرة المصرية"، بحضور كل أطياف المجتمع، من أمهات مثاليات ورياضيين، ومجموعات شبابية وسياسية وإعلاميين وفنانين وصحفيين.


ونقل الرئيس السيسى، رسالة من والد الشهيد حسام كمال، حيث قال والد الشهيد له: "كنت عايز أشوفك علشان ابنى قدم نفسه عشان ينقذ زملاءه الموجودين فى الكتبية، وأنا مسلتمش جثمانه لحد الآن لأنه بقى تراب"، وعلق الرئيس على الرسالة: "إن الشهيد قدم نفسه لأجل خاطر الـ90 مليون مصرى، وهو بيعمل كده عشان يحمى المصريين من أهل الشر".

وتابع الرئيس: "أنا بقول الكلام علشان الرسالة تصل لكل الناس فى مصر إحنا فى معركة كبيرة جدًا، فى وقت صعب جدًا بتعانى منه المنطقة كلها.. ربنا أراد كده إن الابتلاء يبقى كبير".. وتابع: "لا قدر الله إن لو مافيش إرادة الشهادة فى نفس كل شهيد ممكن الـ90 مليون يجرلهم أيه؟".