زينة لـ "أحمد عز": احترم حكم المحكمة أو حلل dna .. لازم تسترجل

خرجت النجمة زينة عن صمتها لأول مرة عقب حصولها على حكم إثبات نسب توأميها للمثل أحمد عز، من خلال صفحتها الشخصية على موقع "انستجرام"، قائلة: "آسفه لجمهورى الغالى اللى وعدته إنى مش ها ذكر المدعو ده تانى بس كمان انا مش هسكت لأى كلمه تتقال كدب زى ما وعدتكوا".

ووجهت النجمة رسالتها قائلة: "دى رسالة منى ردا على البيان المسمى بحوارات صحفية للمدعو احمد عز أحب أقوله ( مش لان فيلمك فشل والناس مش طايقه تشوفك) لأنك ببساطه تصرفاتك لا تمت للرجوله بصلة".

وتابعت "أحب أقولك أسترجل وبطل تجيب اسمى واعرف أن فى حكم محكمة وتحترمه غصب عنك لأنه حكم رجع لولادك حقهم وبكره يكبروا ويعرفوا انك حتى ماتستهلش تكون بنى آدم..
لم نفسك وكفاية رخص وابعد عننا بكدبك الرخيص، وبدل ما تروح نشتكى وتعيط فى كل مكان وتعمل شكاوى وتشغل ناس بكدبك احترم حكم المحكمة، او هات دراعك ناخد منه شوية دم نعمل التحليل دي_ان_ايهdna، ده لو عندك اصلا ".

واختتمت النجمة زينة رسالتها قائلة: "ولاد عز مش هما سبب فشل ولاد رزق..والمرة الجاية لو فتحت بقك علينا تانى عليا أنا وولادك انتظر المفاجأة فى الوقت المناسب كالعادة..وأخيرا وأنا عارفه انه صعب "احمدعز حاول تكون_محترم" وأخيرا والحمد لله ربنا ظهر الحق وجاب لنا حقنا ابعد عننا بقى وحسبى الله ونعم الوكيل".