تداول رواد موقع التواصل الاجتماعى "فيس بوك" فيديو يظهر فيه اعتداء مدرس على تلميذ بالضرب بالعصا بطريقة وحشية، موجهًا له السباب بألفاظ نابية وذلك فى إحدى المدارس بمحافظة بورسعيد.
وعلق الطالب الذى تم الاعتداء عليه ويدعى "فتحى" على الفيديو المنتشر قائلا: "حضرتك أنا اللی أضربت أولاً أنا مش غلطان کل اللی عملته أنی کنت بضحك مع صحابی فاشتمنی بأمی وجسمی کله متعور ودماغی اتعورت وکنت ماسك الكرسی بحمی نفسی".
وأضاف قائلاً: "كل اللی بیتكلم بیقولوا أنی رافع الکرسی على المدرس بس کنت رافع الكرسی بحمی نفسی من المدرس وفى الآخر اتعورت وحتة لو غلطان مش یعمل کده وعلى فكره ده مش أنا بس اللی اتعمل فیا کده ده کتیر اتعمل فیهم کده".
وعلق أحد زملاء الطالب على الفيديو ويدعى ميدو إبراهيم قائلاً: "يا جدعان أنا كنت قاعد فى الحصة الولا رافع الكرسى عشان المدرس بيضربه ضرب غبى وإللى بيقول دول بيضحكوا إنتوا كنتوا عايزنا نعمل إيه نعيط".
وأدان رواد "فيس بوك" ضرب التلميذ بتلك الطريقة، والتى يمكن من خلالها أن يصاب بعاهة مستديمة.
تعليق الطالب وزميله فى نفس الصف على الفيديو
عدد الردود 0
بواسطة:
محمد
الاعلام أفسد الطلاب وعلشان كده من يوم ما قالوا ممنوع الضرب فى المدارس والتعليم فى النازل
الاعلام أفسد الطلاب واولياء الأمور وعلشان كده من يوم ما قالوا ممنوع الضرب فى المدارس والتعليم فى النازل ولم يعد هناك رادع للطلبة واصبحوا بلطجية من الصغر لانهم اتربوا على البلطجة وقلة الادب منذ الصغر بمساعدة اولياء الامور
عدد الردود 0
بواسطة:
مقهورة
لاحول ولا قوة إلا بالله
بالزمة ده شكل صف دراسي أم مقهى درجة ثالثة وشكل المدرس لا يتعدى شكل العربجي الذي يقوم بضرب الحمار أما الطالب من الواضح انه ماسك الكرسي للدفاع عن نفسة فين وزير التعليم لم يتبقى شيئ ياسيادة الوزير الرحمة ياعااااااالم أصبحنا اضحوكة بين الأقزام
عدد الردود 0
بواسطة:
مصري وطني .ضد كلاب اهل النار الضالة اخوان بني صهيون و من علي شاكلتهم
مع ضرب الطالب اللي مش متربي ولكن ّّ!
المدرس له الحق في ضرب الطالب و تربيته لان المدرس هو مكمل في تكوين شخصية الطالب المحترم ولكن ليس ضرب يترك عاهات او عجز و في حالة عدم التزام الطالب باوامر المدرس يجب استدعاء والي الامر او فصله
عدد الردود 0
بواسطة:
مصر الجديدة
شخص غير مناسب للمكان
يعني هو منتظر ان العيال دة تطلع عباقرة غير في العنف والاجرام؟ دة عار علي كلمة مدرس دة يروح زريبة يشتغل فيها يحلب بقر وينظف بهايم يمكن يتعلم..بس طبعا حتتشكل لجنه وياخد خصم 3 ايام ويرجع تاني ويدي دروس خصوصية..الخ الخ اصل المصري عندة ذاكرة السمكة
عدد الردود 0
بواسطة:
البدوى
مدرس فاشل
الشكل اللى متشاف ده معناه ان ده مدرس فاشل او غبى اللحوء الى الضرب بهذه لايعنى الا انه لم يستطع المواجهه إلا بهذا الشكل القذر انا شخصيا كنت بخاف جدا من المدرسين اللى زى دول وللاسف نسبة مش قليلة مع العلم انا كنت شاطر ولكن الخوف ماكانش بيخلينى كويس فى الفصل لكن فى الامتحانات كانت النتيجه ممتازة الحمد لله الرجا من الساده القائمين على ادارة التعليم ان يتم التنبيه على المدرسين بصفة عامة بضرورة التعامل الادمى مع الطلبه لان صورة الاعتداء دى مش حلوه خالص للمدرسين اكثر من الطلبة