قال اللواء كمال الدالى محافظ الجيزة، إنه سيتم طبع ستيكر على كل السيارات ولافتات فى المواقف لعدم التلاعب فى الأجرة، مشيرًا إلى أنه تفقد عددا من المواقف الرئيسية والتقى عددا من السائقين والمواطنين مستقلى السيارات مضيفًا: "أنا قلت للسواق يابنى لو خدت نص جنيه زيادة من الراكب مراتك هتروح تدفعه 5 للدكتور أو ربنا يرزقها بتاجر جشع ياخده منها".
وأضاف خلال مداخلة هاتفية مع الإعلامى أحمد موسى، أنه تم تشكيل لجنة دقيقة بعد زيادة أسعار المواد البترولية لتحديد تسعيرة الأجرة للمواصلات، مشيرًا إلى أنه تم وضع تعريفة للركوب أمس وتم إعلانها اليوم فى كل الخطوط. وتابع: "أن أجرة المنيب الفيوم أصبحت 13 جنيهًا من 11 جنيهًا"، وطالب المواطنين بالالتزام بالتعريفة وعدم الدفع أكثر منها".
وقال: "لو سواق حب ياخد أجرة مخالفة للتعريفة من المواطنين يرفضوا ويبلغوا أقرب أمين شرطة والغرامة 300 جنيه للمخالف المواطن مش مستحمل نزود عليه ربع جنيه".
عدد الردود 0
بواسطة:
Samy
اكيد
اكيد بتهزر ههههههه!
عدد الردود 0
بواسطة:
عمادالدين
%100
اللى قاله المحافظ لو طيق فى مصرمنذدخول الاسلام مصر كنا اقوى اقتصاد لان ده قاله ربنا فى القران الكريم وشيوخ مصر حرفوه-وما اصابكم من مصيبة فبما كسبت ايديكم ويعفو عن كثير -سورة الشورى
عدد الردود 0
بواسطة:
yusef
انا مش سواق
طب سيادتك لما المواطن مش مستحمل نزود عليه ربع جنيه امال رفعتوا اسعار الوقود على السواقين ليه والا هو السواق ده مش مواطن مصرى
عدد الردود 0
بواسطة:
أبو العُريف
ما يقدرش . . وانت عارف مصير أللي يبلغ يا سيادة اللواء المحافظ .
. . . ( وقال: "لو سواق حب ياخد أجرة مخالفة للتعريفة من المواطنين يرفضوا ويبلغوا أقرب أمين شرطة والغرامة 300 جنيه للمخالف ) . . . طبيعي أن المواطن حيخاف . . وطبيعي جدًا أن أمين الشرطة موش عايز احتكاك ولا مشاكل . . وبعدين ليه ما تحطش رقم تليفون كخط ساخن لاستقبال الشكاوى . . و300 ج غرامة دي تعمل إيه مع السواقين . . فين سحب الرخصة ولا انتوا بس عايزين تورطوا الغلابة مع السواقين ؟
عدد الردود 0
بواسطة:
Ibrahim
بلغ امين الشرطه هههه سبوبة وجت لانهاء الشرطه
امين الشرطه هيروح للسواق هيطبق له 20 جنية في ايده هيخدك ويعملك محضر او يتطاول عليك ولو حب يقرفق هيقول انك اخوان وتروح ورا الشمس ارجو تنقيه جهاز الشرطه من امنائها فهم اول من يأخذ رشوه
عدد الردود 0
بواسطة:
على باب الله
أنا سمعته بيتكلم مع وائل الإبراشي
تحسه راجل طيب أوي وعلى باب الله ، ياريت تعمل في سكان الهرم معروف وتسعى في توسيع شارع ترسا ، فيه كام بيت قديم في نص الشارع مسببين زحمة خانقة ، توسيع ترسا حيخفف الضغط على الهرم لما يبتدوا الحفر عشان المترو ، والله الناس حتفتكرك بالخير ، وتبقى من المحافظين اللي عملوا حاجة مفيدة للجيزة ودي حاجة من النوادر
عدد الردود 0
بواسطة:
الاسكندراني
...اضحكتني يافتى ...امين الشرطه عشان يرد عليك السلام بس عايز عشرين جني وبعدين يسمعك ..انتم مش عايشين معانا ولا ايه ؟؟!!!!
عدد الردود 0
بواسطة:
مصري حتى النخاع
طب إزاي؟؟
طب إزاى ..أروح لأمين الشرطة؟هو حضرتك مش عارفه ولا إيه؟أمين الشرطة (الأسم الخطأ ) عايز السبوبة ياباشا...طب قول أتصل بحد تانى يمكن تكون مقبولة...
عدد الردود 0
بواسطة:
محمد
هههههههههههههههههههههههه لا يدرى
سيادة المحافظ يجلس غى قصر عاجى داخل المحافظة و لا يعرف عنها شيئا --- معظم ميكروباصات الجيزة ملك لأمناء الشرطة أو مشاركين فيها -- و عدد كبير جدا من ميكروباصات الجيزة يدخل الطوابق و يسير فى شارع الهرم بدون نمر أو ارقام يعنى مفيش لوحات معدنية -- انا حابب ان سيادة المحافظ يعمل تحريات بمعرفته و اذا قدر يواجه مافيا الامناء فى الجيزة يبقى بطل قومى
عدد الردود 0
بواسطة:
رمضان
محافظ الجيزة
انت بتقول ايه من السواق ارحم امين الشرطة بيترشي من السواقين وبعدين حنزلونى من السيارة أنت بتضحك عليه صح