فيه دموع بصحيح
ودموع كتير تماسيح
تمثيل وبارعه فيه
مليانة بالتجريح
. ..
ضمير مبسوط وبايع
ميزان بيوزن بيه
مايل وبيمايع
باين كمان ف عنيه
هوا ال بس فصيح
ناس تحب التعب
إخلاصها تاج ع الراس
وناس ومن غير سبب
تدخل حياة الناس
تحكم وتتحكم
بإشارة وبتلميح
وناس تعيش اليوم
وبكره مش فارق
متخفش من مخلوق
الرزق ع الخالق
الصدقة ف ابتسامة
وورد من التسابيح
ضمير ومتصالح
مع بكره وامبارح
يخاف يكون جارح
يضحك براحة بال
وايه هتاخده الريح
