وقال شوبير: "مفيش مشكلة فى الميزانية خالص، والأعضاء هيمرروها وبأغلبية كاسحة، لكن المشكلة ليه المجلس بيعمل كده فى الأهلى، له إجراء الأحاديث كل يوم فى برنامج مختلف، وليه تدخل واحد كأنه رئيس الوزارء وحضرتك تجرى وراه، وعمال تقوله اتفضل هنا يا باشا، وإيه رأى حضرتك يا باشا، ليه كده؟ ده النادى الأهلى.. موظف صغير هو اللى يعمل الكلام ده".
وأضاف شوبير: "أنا الحقيقة مذهول، ونفسى أعرف مين المتربص بالأهلى اللى بيقوله عليه..الانتقاد شىء طبيعى، والناس كلها مش هتمشى فى اتجاه واحد، وشوف رئيس جمهوريتك عبد الفتاح السيسى، بيتعرض للنقد والمعارضة من كل اتجاه، لكن متحمل لأنه بيقود بلد..وأنت معندكش مشكلة خالص فى ميزانيتك، وممكن مترحش خالص ولا أنت ولا أعضاء مجلسك وهتمر الجمعية باكتساح، ومفيش أى مبرر للقلق، ليه بتعمل كده؟ وايه كم الخوف والقلق ده؟".
وضرب شوبير مثالاً بالمايسترو صالح سليم، رئيس الأهلى الأسبق، حيث قام بعرض صورة تجمع "صالح سليم" بالمخلوع محمد حسنى مبارك، رئيس الجمهورية الأسبق، فى إحدى المباريات، وكان يجلس المايسترو بجوار مبارك، بشموخ وكبرياء وعظمة، حفاظاً على هيبة القلعة الحمراء، ولم يكن مهزوزاً أو مرتعشاً، مؤكداً أن صالح سليم كان قليل الكلام ونادراً عندما كان يدلى بأى تصريح صحفى، وهذا سر حب الجماهير له.
وأشاد نجم مصر السابق، بالتطورات التى حدثت فى عهد محمود طاهر، مؤكداً أنه تطور طبيعى، مطالباً المجلس بتغيير سياسته عقب مرور الجمعية العمومية.
موضوعات متعلقة..
الغندور يتهم "الكاف" بالتلاعب فى قرعة البطولة الإفريقية من أجل "الأهلى"
