حازم إمام يعاتب الغندور على الهواء: "هاجمتنا فى الوقت الغلط"

وجه حازم إمام قائد فريق الزمالك، اللوم للإعلامى خالد الغندور، قائلاً: "والله العظيم زعلان منك قوى، أنا عارف إنك بتدافع عن اللاعبين دائمًا بسبب انتمائك، لكن مسكتنا فترة، وكنا فاكرين إن أنت الوحيد اللى هتنصفنا فى وقت الإعلام كله كان بيخبط فينا".

فجاء رد الغندور قائلاً: "أنت كابتن الزمالك يا حازم، وأنا كنت كابتن زيك، وأنا دائمًا بتمنلكم الخير، لكن بكرة تعرف لما تبقى قاعد مكانى وبتحلل المستوى، بس مش عايزك تزعل ولا لاعبى الزمالك يزعلوا منى"، فرد حازم إمام: "لا يا كابتن أنا مش بتكلم على انتقاد مستواى، بس إحنا كنا منتظرين منك تنصفنا وتقف جنبنا، عكس الناس اللى كانت عايزة تهدنا".

وأشاد قائد الزمالك، بمنتخب مصر، مؤكدًا أنه مازال منتخبا قويا، خاصة بعد الفوز على فريق كبير بحجم المنتخب النيجيرى، الذى يضم أفضل لاعبى الدورى الإنجليزى.

موضوعات متعلقة..

الغندور: الجمهور تسبب فى "ضغط" الفراعنة.. وصعب عودتهم فى الدورى حالياً