قاتل والده بالمنوفية: قتلته عشان كان بيعاملنى وحش ومرضيش يجوزنى ومش ندمان

"أيوة قتلته علشان كان ييعاملني معاملة وحشة، ولما كنت بقوله عايز اتجوز كان بيقوللى امشى ياواد انت لسة عيل"، بهذه الكلمات بدأ ع ا ا الشيمى (25 عاما)، قاتل والده (فلاح ـ 55 عاما) بالمنوفية، اعترافاته أمام المباحث.

وأضاف المتهم، وهو مقيم بقرية شبر بلولة التابعة لمركز منوف بمحافظة المنوفية، :" أكتر من مرة أطلب منه يجوزني علشان أنا كبرت في السن، وكان دايما يقولي، مابجوزش حد امشي من قدامى يا واد دا انت لسه عيل لما تبقى راجل ابقى اجوزك".

وتابع: "قررت التخلص منه، فاشتريت سكينا لقتله، وفي يوم الواقعة استغللت تواجده بحظيرة المواشي وانشغاله بدخول المواشي الحظيرة، وطعنته في الصدر حتى فارق الحياة"، وأضاف:" انا مش ندمان على حاجة خالص علشان هو اللي عمل في نفسه كده بمعاملته السيئة معايا".

كان اللواء محمد مسعود، مدير أمن المنوفية، تلقى إخطارًا من الرائد خالد مكاوي رئيس مباحث مركز منوف، يفيد من مصرع "ا الشيمي" (55 عاما ـ فلاح ومقيم بقرية شبرا بلوله دائرة المركز، مصاب بطعن في البطن، وتبين قيام نجله بالتعدى عليه بسكين لمروره بضائقة نفسية، وتم نقله إلى مستشفى منوف العام.

وعلى الفور قرر اللواء جمال شكر مدير المباحث الجنائية تشكيل فريق بحث جنائى برئاسة الرائد خالد مكاوى، والنقباء محمد التحيوي واحمد كشك ومحمد كشاف معاوني المباحث، وتم وضع الأكمنة الثابتة والمتحركة، وتم ضبط المتهم، والذى اعترف بارتكابه الواقعة لمرورة بضائقة نفسية.

تم تحرير محضر بالواقعة وأخطرت النيابة لمباشرة التحقيقات، وبالعرض علي المستشار يحيى نافع مدير نيابة منوف الذى باشر التحقيقات تحت اشراف المستشار محمد شاهين رئيس النيابة، قرر حبس المتهم أربعة أيام على ذمة التحقيقات.