سائق "الألف مسكن": "أنا مش فرخة.. ولو ما أخدتش حقى بالقانون هاخدوا بأيدى"

قال رجب ربيع أحمد 35 سنة، سائق سيارة أجرة "ميكروباص"، إنه تم الإعتداء عليه من النقيب أحمد سمير نصار، الضابط بالإدارة العامة للمعلومات والتوثيق، بمنطقة ألف مسكن بدائرة قسم النزهة، قائلاً "دا ضربنى بالنار فى ميدان عام.. لو مأخدتش حقى بالقانون هاخدوا بأيدى".

وأضاف رجب ربيع، فى مداخلة هاتفية مع الإعلامى وائل الابراشى، مقدم برنامج العاشرة مساءً،"الظابط ماكنش راكب معايا وكان راكب مع زميل ليا وأنا كنت منتظر دورى .. و هو طلع نفسه من الشباك وشتمنى وانا مجتش جنبه و ملحقتش أكلمه طلع الطبنجه و ضربنى الرصاصة..دخلت من الرجل الشمال مروراً بالخصية وخرجت من الرجل اليمين".

وتابع: "دا كدا مش ظابط شرطة وأنا مش فرخه عشان يعمل فيا كده .. والأهالى هما اللى مسكوه وضربوه.. والطبيعى إنه يحصل فيه كده دا فى ميدان عام".

موضوعات متعلقة..

فى واقعة إصابة سائق على يد ضابط بالنزهة.. تقريرا الطب الشرعى والأدلة الجنائية يكذبان المتهم.. ويؤكدان: أطلق النار من سلاح ميرى تجاه المجنى عليه وأصابه فى "الخصيتين".. ومصدر: إحالته للجنايات خلال أيام