مخالفات دور الأيتام عرض مستمر.. التضامن حررت 4 محاضر عام 2012 لإغلاق دار "الشيخ أحمد" بالإسكندرية والداخلية رفضت التنفيذ.. ومطالبات بمنح الضبطية القضائية للعاملين بالوزارة لتفعيل الرقابة على الجمعيات

عدد الردود 0

مخالفات دور الايتام الي متي

قمت بزياره الي جمعية عساكر للايتام ك ٣٦ طريق القاهره الاسماعيليه بهدف التبرع للايتام وللأسف وجدت فيها مالا يرضي الله ولا العباد . هي نصف ساعه قضيتها مع بنات الدار كانت كافيه لمعرفة كم مخالفات إداريه واختلاسات ماليه وتجاوزات معنويه تكفي لمحاسبة كل من يعمل بهذه الدار مجلس إداره وعاملين . " ولكي لا أطيل أسرد الوقائع التي تم سردها على لسان بنات الدار : الواقعه الاولي : قالوا لي أن الجمعيه تعطي لهم مصروف يومى ٢ جنيه لكل بنت قد تزيد قليلا لو البنت كبيره في معهد التمريض هذا في الوقت الذي يدخل الجمعيه كل يوم متوسط حوالي ٥٠٠٠ ج في اليوم يوم زايد ويوم ناقص البنات عددهم حوالي ٧٠ يعني كل يوم ١٤٠ ج من ٥٠٠٠ ج ورديت انا وقلتلهم ماهي الدار بتصرف علي اعاشتكم الكامله واكلكوا وشربكوا ومصروفاتكم المدرسيه فكان الرد حضرتك ياابله كل دا بيجي تبرع كل الاكل تبرع رز وعدس وفول وفاصوليا ولحمه وخضار وفاكهه وهدوم ومصروفات المدارس معفيين منها مش بيصرفوا علينا من فلوس التبرعات ولا مليم حتي الخضار والفاكهه بتيجي من شرطة المرافق كل يوم كل اللي بياخدوه من الناس في سوق العبور بيجيبهولنا وكمان فيه فاكهه تانيه بتيجي كل يوم اربع من متبرع بسوق العبور ومش بنشوف منها حاجه الا لما تبوظ والهدوم بتيجي موظفات الدار بيفزوها وياخدوا منها الحلو ويدخلوا الباقي المخزن ونفس الموضوع لعلب الحلويات . حتي الفاكهه اللي بتيجي يوم الاربع لازم تروح الاول الفيلا بتاع الاستاذه رضا مرات بابا اسامه الله يرحمه تاخد منها اللي هي عايزاه والله باابله بتاخد كراتين مانجه وخوخ وتفاح وجوافه وعنب وموز بتروح منها لابنها واخوتها وقرايبها وليها وترجع الباقي لينا بعد كده يقسموه الموظفين واحنا بقي اخر حاجه تفضل ناخدها احنا . الواقعه الثانيه : قالولي ياأبله البنك بتاعنا كان مليان فلوس اخدوا فلوسنا دي بتاع الودائع فكوها واشتروا بيها بقر بيحلب ويولد ولما نطلب كوباية لبن يقولوا حاضر حاضر وما حدش بيجيبلنا حاجه ودا مبلغ كبير قوي ياأبله اكتر من ٥ مليون جنيه اخدتهم الاستاذه رضا وحطتهم في مزرعتها تحت في الجمعيه وبتاخد هي اللبن والولاد العجول الصغيره ومش بتدي الجمعيه اى حاجه خالص . مش بس كده وكل عربيات ادار وجرارات الميا بتاع الدار والميا بتاع الدار وموظفين الدار كل دول بيشتغلوا عندها في مزرعتها وما حدش عارق يقولها حاجه علشان هي مرات بابا اسامه الله يرحمه والدار هي اللي بتدفع مرتبات الموظفين دي والسواقين والعمال ومصروفات العربيات زيت وجاز وصياه وتصليح كل دا من تبرعات حضرتك وغيرك اللي هي اصلا بتاعتنا . حتي التاندات كلها اللي في الدار اللي كنا بنقف تحتها في الصيف فكتها وأخذتها تحت علشان البقر وعرفنا ان السنه اللي فاتت كل التبرعات اللي جاتلنا ودخلت الدار واتحطتش في البنك زي زمان اخذتها الأستاذه رضا كلها وصرفتها علي البقر بتاعها وعلي بيتها وولادها وعيلتها ودا كمان مبلغ كبير اكتر من مليون جنيه زي ما ماما هناء قالت وبتقول انا مخدتش حاجه دا بابا اسامه ، علي فكره ياأبله بابا أسامه كان عيان ساعتها وحتي اكلته صغيره ومش بياخد حاجه لنفسه خالص علشان هو مش محتاج اصلا معاه فلوس كتير . الواقعه التالته : خدي بالك ياابله بيقولو فاتحين لنا دفاتر توفيردا صح بس اكبر دفتر فيه ٢٠٠٠٠ ج ودا من حوالي عشرين سنه يعني الف ج في السنه والفلوس دي معظمها كفالات يعني تبرع مباشر للبنات غير تبرعات الدار ، هو انتي ياابله لما تيجي الدار عندنا بتتبرعي لمين ليناالايتام والا لموظفي واصحاب الدار ، الرد طبعا ليكوا قالوا هما بقي اخدوا كل الفلوس حطوها في البنك وبعدين الاستاذه رضا اخدتهم دفعهواحده وخلصت عليهم بقر وفلوس حتي الحلويات بنشتريها من الكشك اللي بره الدار واللحمه مش بيعملوها لينا اللي لما تبوظ والخضار من المرافق وحش والفاكهه بتفرزها ماما رضا وعي كده ، انتي عارفه ياابله السنه اللي فاتت جت لجنه من الوزاره وحرقت اكتر من طن ونص لحمه كانت بايظه في الثلاجه واحنا بيطبخولنا مكرونه ولسان عصفور وكمان حرقوا مخزن القاله كله كان منتهي الصلاحيه زيت وسكر ورز ومكرونه ولوبيا وفاصوليا ، انتي عارفه ياابله بابا اسامه كان باني لينا شقق علشان نتجوز فيها احنا واخواتنا الايتام الصبيان بتوع آل سليمان ماما رضا اجرتهاالسنه اللي فاتت وطبعا بابا اسامه وافق علشان كان بيخاف منها وهو ضعيف وعيان واخذت فلوسس الايجار دا صرفته برضه عليها وعلي مزرعتها ومارجعتهوش ودا اللي قالوه ماما هناء وماما امل وبابا أشرف اللي ماسك الدار ،،، وحتي الحاجات اللي في المخازن كلها بتاعة الدار ثلاجات وغسالت وادوات كهربيه وسراير ودواليب وترابيزات ومراتب كتير قعدنا ننزل فيها اسبوع جابوا تاخر خرده وباعوهاله بنص التمن اكتر من ١٠٠٠٠٠ ج ياابله واخدوهم برضه دي كلهامش حاجاتنااحنا ولسه فيه مرمي قدامك اهو حيبيبعوه برضه . الواقعه الرابعه : ماما رضا جابت ناس معرفتها علشان يؤجروا المدارس بتاعتنا بتاعة الازهر اللي هيه جنب الدار ، جابت مقاول خلع كل الشبابيك والابواب واخد نصهم وهي اخدت الباقي وركبتهم عندها في مزرعتها تحت لو نزلتي دلوقتي حتلاقيهم راكبين وابوالب وشبابيك حديد غالبيه جدا وسابوا المباني خربانه مش فيها اي حاجه خالص وكل دا من غير ما الشئون ماتعرف اي حاجه مع انها مش ملكها .. وكل دا اللي شايفينه بعينينا وشايفه كل العمال خدي عندك ضرب وشتيمه وحبس وحرمان من الاكل والله ياابله كده واحده اسمها ماما هناء حرمت اختي من الاكل يومين علشان بس ردت عليها وبيهددونا بالرمي بره الدار هما مش عارفين ان احنا سبب نعمتهم والمفروض اننا مانتكلمش مع حد ولا نقول حاجه بس احنا زهقنا من الظلم حنقول ويطردونا ايه يعني حنعيش برضه يمكن نلاقي بره ناس تبقي حنينه علينا عن كده. ودي كانت نهاية المقابله اترك لمعاليكم التحقيق والتأكد من صحة هذا الكلام الذي لو ثبت صحته لكان لابد من محاسبة كل المسئولين وابلاغ النيابه العامه ونيابة الاموال العامه ومراجعة مواقف كل دور الايتام وعمل سقف لحساباتها في البنوك .