وأوضح فرج عامر، خلال تصريحاته لبرنامج "كورة كل يوم" مع كريم شحاتة، عبر شاشة "النهار اليوم"، أنه غير معترض على انتقال جعفر للقعلة البيضاء، إلا أنه قدم شكوى ضد اللاعب من أجل حفظ حقه فى مقدم التعاقد الذى حصل عليه الأخير، ولم يرده لسموحة مرة أخرى رغم انضمامه للزمالك.
وقال رئيس سموحة: "أحمد جعفر مضى لسموحة وقبض فلوس، ثم فوجئنا بتوقيعه للزمالك.. وإحنا مش عايزينه مع احترامنا له وربنا يوفقه، رغم إنه كان بيحارب علشان يجى سموحة، وإحنا مش ضد انتقاله للزمالك، لكن ضد إن لاعب يمضى لناديين، وإحنا بنطالبه بالفلوس دى، وشكوناه لاتحاد الكرة علشان نحفظ حقنا.. وعيب اللى هو بيعمله لأنه شغال لاعب كرة مش ياخد فلوس من الأندية ومايردهاش".
أضاف:"السنة الماضية أسامة عزب وقع لسموحة، وحصل على مقدم تعاقد، وعندما شكونا اللاعب لم يتم اتخاذ اى إجراء ضده، علماً بأنه لو وكيل لاعبين شكى لاعب علشان 10 آلاف جنيه يتم ايقافه، وده بيورينا مدى الترهل فى الكرة المصرية وقد أيه الواسطة متغلغلة، وقد أيه المستوى تدنا، وده بيشجع اللاعبين على إنهم يوقعوا لناديين، لكن مش هنسكت وهناخد حقنا من الإثنين".
موضوعات متعلقة..
بالصور.. أحمد جعفر يوقع لسموحة 3 مواسم
