تمكن ضباط مباحث إدارة المرورالإسماعيلية، بالإشتراك مع ضباط الإدارة العامة للمرور، من ضبط مراجع وحدة تراخيص السيارات الأجرة، أثناء تقاضيه رشوة من طالب نظير إنهاء تراخيص سيارة.
تلقى اللواء على العزازى، مدير أمن الإسماعيلية، إخطارا من العميد محمد عامر، مدير مرور الإسماعيلية، يفيد قيام المقدم أيمن وهبة، رئيس مباحث مرور الإدارة بضبط " عادل .م .ص" 56 سنة مراجع وحدة تراخيص السيارات الأجرة بإدارة المرور، حال تقاضيه مبلغ مالى قدره (ثلاثون جنيهاً) على سبيل الرشوة من المواطن"حنفى .م .ح " 24 سنة طالب، نظير إنهاء إجراءات تراخيص السيارة رقم 350 أجرة الاسماعيلية بموجب توكيل إدارة، وبتفتيشه عثر بحوزته على مبلغ مالى 351.75 جنيه ( ثلاثمائة وواحد وخمسون جنيها وخمسة وسبعون قرشاً ) متحصلات بيع (17) تصريح ورقى والمقدر ثمن النموذج الواحد مبلغ ( 2.25 جنيه) بإجمالى بمبلغ 38 جنيها وخمسة وعشرون قرشاً، وضبط مبلغ آخر قدره ثمانمائة وخمسة عشر جنيهاً بداخل جيب بنطاله الخلفى ( عملات ورقية مختلفة) .
تم التحفظ على المتهم والمضبوطات وتحرر المحضر اللازم بالواقعة، وأخطرت النيابة العامة لتتولى التحقيق.
عدد الردود 0
بواسطة:
ياسر
اه يا بلد
واخدين بالكم كويس قوى من صغار المرتشين ام الحيتان ممنوع الاقتراب و التصوير
عدد الردود 0
بواسطة:
سعد
حدوته الثلاثين جنيه
أمس الوزير يكافئ معلم ب30 جنيه والنهارده تم ضبط موظف برشوه 30 جنيه لما انا حاسس انال30 جنيه حاجه كبيره قوى يا ريت حد يقول يمكن حدثت فى الخمسينات من القرن الماضى ولا ايه الحكايه فهمونى علشان انا مخى خلاص منكم
عدد الردود 0
بواسطة:
جيهان طلبة
ياريت
30 جنية ؟ ياريت تفتشوا على باقى المرور فية قسم التفتيش بالادارة العامة للمرور موظف اسمة محمد صابر طلب من والدتى رشوة 5000 جنية علشان يمشى ورق عربية حجزة عندة ومارضيش يديهولها ولما قالت لة حرام عليك دة اكل عيشنا طلب اقفاص مانجة وعسل نحل اتحطت فى عربيتة علشان يرضى يسلم لنا ورقنا اللى كلة سليم
عدد الردود 0
بواسطة:
هادي خياره
عيب
صاحب التعليق رقم 3 عيب عليك تفضح الناس * قدم شكوه ضده بس متنشرشي اسمه علني كدا * حتى عشان أولاده
عدد الردود 0
بواسطة:
محمد احمد محمود
رشوه مرور دكرنس
فى مكتب مرور دكرنس للسيارات الخاصه الموظف المحترم اللى علامه الصلاه على جبينه مع كل ملف بياخد خمسين جنيه ولو لم تعطى له يقولك ملفك مفقود لما نلاقيه ولما بنتكلم مع بعض اننا نشكو للضابط اللى واقفين يقولو الضابط بيقسم معاه ولو رحنا له هيعقدو الموضوع وهتفقد ملفك وتعطل نفسك بسبب خمسين جنيه ياساده ياكرام دى مافيا واعتقد ان الموضوع محتاج حل من المسئولين لمنع الرشاوى بالتفعيل الالكترونى بالنت للتجديد وانت بالمنزل
عدد الردود 0
بواسطة:
سمير
التعليق رقم 4
صاحب التعليق رقم (4) ياسيدى ما هو العيب ؟ هل عيب على المظلوم أن ينشر اسم ظالمه الذى لا يستطيع أن يقاوم ظلمه وفساده هل عيب على صاحب الحق أن ينشر اسم مغتصب حقه وسارقه هل أصبح محاربة الفساد عيبا بينما السرقه والنهب والسلب وأكل مال الناس بالباطل ليس عيبا أوليس عيبا على ذلك الموظف ما يفعله ، أوليس عيبا عليه أن يمد يده لمال الناس بالباطل جورا وفسادا ، أوليس عيبا عليه أنه لم يحفظ أولاده وأسرته وكرامته وتطالب المجنى عليه بأن يراعى مشاعر أبناؤه وكرامتهم والله عيب عليك أنت
عدد الردود 0
بواسطة:
eng
هو كان مستخبى
وظهر فجأه ... ولا غضبوا عليه ... المحليات والمرور والاماكن الخدميه للناس مليانه
عدد الردود 0
بواسطة:
محمد فرج
بلاغ كيدى
اكيد زميله كانوا متضايقيين منه لانه بياخد كل السبوبة فبلغوا عنه كل موظفين المرور بيخدوا رشوة عشان نمشى الورق على الرغم من انه سليم
عدد الردود 0
بواسطة:
احمس قاهر الاخوان والسلفيين
تحيا مصر
ظبطوا الموظف اللي بياخد 30 جنيه رشوة لظروف الحياة الصعبة،، طبعا غلط بس مظبطوش الناس اللي بتبلع حيتان وجمال ده محمد حسان لهف 60 مليون من فلوس المعونة الامريكاني اللي دفعها البسطاء من الناس نتيجة ثقتهم فيه ومحدش قاله بخ،،،،، لاء بل اصبح هذه الايام نجم الشباك بهد ما انقلب علي الاخوان غلشان مصلحته فقط
عدد الردود 0
بواسطة:
ناصر حسين
عليه العوض ومنه العوض فيكى يامصر ( رشوة معقول )
الدنيا جرى فيها ايه معقول قبضنا على واحد مرتش خلاص مصر كدا انتهت لااله الا الله .....ياحبايب تعالوا بقى نتكلم جد شوية سيبكم من دخلتى اللى فاتت دى ***اللى هايجبلى قسم مرور على مستوى الجمهورية مابياخدش رشوة من اول البصمة لحد استلام الرخصة ليه جايزة قيمة .....اللى هايجبلى كمين مرور لايعمل بنظام شخلل ياافندينا علشان تعدى هنعمله تمثال ...واللى هايجبلى مصلحة حكومية لايوجد فيها نظام دخان العمال وخلافه ليه جايزة ...واللى هايجبلى جريدة او قناة تليفيونية لاتتقاضى مبالغ لتلميع بعض الاشخاص ليه جايزة ..اللى هايجبلى محامى من بتوع قضايا المخدرات والدعارة جاب لموكله حبس مع علمه انه فعلا مذنب ليه عندى شهر سجن مكافأة ...وغير وغيره وغيره ... القضية مش فى الرشوة القضية اننا فعلا قفشنا ابو 30 وسبنا ابو ملايين ربنا يهدى وياريت التعليق ينزل على الصفحة مع الشكر