فى مكالمة مثلت مفاجأة هاجمت متصلة، ببرنامج "كل يوم"، الإعلامى عمرو أديب، واتهمته بأنه شخص متناقض، حيث قالت: "احنا بنوعى الناس بخطورة جماعة الإخوان، وأنت فى أوقات كتيرة بتشرب الجماعة للناس، وكانت مقولتك الشهيرة فى قناة اوربت إن الاخوان تحكم أحسن من الجيش، وإن عبدالمنعم أبو الفتوح ليه ميترشحش فى الرئاسة.
وتابعت المتصلة: أنا الحقيقة مش فاهماك، أوقات بتبقى متناقض مع نفسك بتبقى تحاول تلبسنا حاجات وتعمل نفسك مش واخد بالك، يا ريت تفهمنا أنت عاوز إيه بالظبط.
وقاطعها الإعلامى عمرو أديب مازحا: "أنا أصلا كنت فى تنظيم الإخوان أنا كمان مع عبدالناصر".
وواصلت المتصلة وتدعى جيهان، هجومها الحاد على عمرو أديب قائلة: أنت عاوز تدى إيحاء للناس إن دى حاجة ممكنة، اشربها لكوا مرة واحدة، ماتنتخبوش السيسي، أنت فى الآخر عاوز إيه مننا؟، فرد عليها أديب: عاوزكوا تعملوا اللى يريحكوا، فقاطعته المتصلة: "لكن ماتشربناش حاجة، أنت كل جملة مفيدة ماتنختبوش السيسي، ماتسيب الناس هى حرة.
وحاول الإعلامى أن يبرهن للمتصلة أنه لا يقوم بتوجيه الناس بانتخاب أحد الاشخاص، مضيفًا: " يا أفندم مش عاوزة بلاش وأنا ماقولتش".
ووجهت المتصلة سؤالا إلى عمرو أديب، وقالت هل عبد المنعم ابو الفتوح أخوان أم لا؟، ورد عليها أديب قائلا: "إخوان يا افندم"، فقاطعته قائلة: أنت عاوزنا تانى نرجع الاخوان؟".
وتابعت: أنت عاوز تضيع البلد أنت عاوز إيه بالضبط؟، أنا عرفت بلدى ضاعت من ايه، بدل ما يكون الإعلام يوعى الناس، أنت بتضلل الناس وبتديهم إحساس إن الاخوان حاجة ممكنة، ومرسى كان وحش لكن أبو الفتوح ممكن يكون حلو.
وأضافت: أنت عاوز إيه يا عمرو نفسى أعرف أنت عاوز إيه، أنت بتكره السيسي ليه؟، وأنا مش مضطرة إنك أنت بتكره السيسي، أنت ومراتك تشربوني الكره دا، وبتقولوا الأسعار غلاها السيسي، هو ده الإعلام الواعى؟.
ورد عليها أديب قائلا: "لو حضرتك مش عاوزة تختاري السيسي ماتختاريهوش، وده حق ربنا كده".
وتابعت: أنت بتحط خطوط وتقول ماتنتخبوش السيسى فى كل جملة مفيدة تقول السيسي، عاوز تشربنا الإخوان تانى، وأنت كنت بتتباهى أيام مبارك بأنك شجاع وبتستضيف الاخوان، وبتتباهى بأنك كنت سبب من أسباب ضياع البلد، أنتوا مابتحسوش، ولا الكاميرا بيبقى ليها بريقها بأنكم تقدروا تحركوا الرأى العام، بس الراى العام بقى يكرهكوا، وقلبكم مش على البلد".
وقال أديب: أنا بحترم وجهة نظرك وبقولهالك للمرة الألف لو مش عاوزة السيسي ماتنتخبوهوش، أنا ده رأيي".
فقالت المتصلة: أنا اللى بيضايقنى لفك ودورانك فى الحلقة، النهاردة هجوم على السيسي، تانى يوم أما أخفها شوية، أما اخف شوية وأقول كلمتين لصالح السيسي، فرد عليها: ابو هشيمة مش مستحمل خالص من الناحية دى.
فواصلت المتصلة هجومها: انتمائكم للقمة عيشكم واللى مشغلكم مش انتمائكم للبلد، لو انتمائكم للبلد كنتوا وريتوا الراجل دا بيتعب اد إيه علشان البلد، لكن انتوا بدقوا طبول الحرب، كل شوية السيسي هو فيه إيه"؟.
وقال اديب: أنا انتمائى لمصر وده رأيى"، ونفس الناس بتسمعك وبيقولوا ماحدش بيطبل للسيسي قد عمرو أديب"، وأنا دورى إني أقولك الوشين وحضرتك تختارى".
وردت المتصلة: "انت بتلعب على الوشين يا عمرو، حلقة كده وحلقة كده، علشان مايتمسكش على عمرو اديب أنه ضد السيسي، وكنت بتقول ماحدش يزايد عليا، أنت بتحب تاخد الحاجة وعكسها، احنا حافظينك يا عمرو والناس مش عارفاك، أنتوا بتشربوا الناس معلومات غلط، ومابتفتحش التليفون إلا إذا كنت بتتكلم إن الموضوع اللى انتا بتتكلم فيه، لكن جرب كده واتكلم على السيسي وافتح التليفونات وشوف الناس هاتعمل معاك ايه؟.
وقال أديب: اللى عاوز يرشح السيسي يرشح السيسي، اللى مش عاوز يرشح السيسي مايرشحش السيسي، ولو قررت إني أرشح حد غير السيسي مش هاقول، ولو قررت إني أرشح السيسي مش هاقول، لأني مش هاوجهكم، ومش هاسمح بالكلام ده، عاوزة السيسي أنتى حرة، فيه ناس شايفة إني بحب السيسي قوى، الحكاية إن فيه بلد وفيه دولة، ولو عاوزة ترشحى السيسي أهلا وسهلا، وهاقولها ألف مرة وأنا أول واحد قلتها فى مصر والتليفونات مفتوحة واللى عاوز يقول أى حاجة يقولها".
عدد الردود 0
بواسطة:
Nour
الله ينور عليكي نعم للسيسي
الكلام ده اللي تسعين مليون عايزين يعملوا مداخله ويقولوا الكلام ده ......نفسي اقوله الكلام ده من زمان ومهما الاعلام يعمل ويقول ربنا هينصر السيسي لان ربنا بينصر الحق
عدد الردود 0
بواسطة:
السيد الريفي
لعنة الله عليكم اعلاميين السبوبة
والله صدقتي في كل كلمة خرجت منك ... امثال عمرو أديب ولميس الحديدي والإبراشي هؤلاء اخطر على البلد من داعش نفسها ... لعنة الله عليكم ... كل كلامهم على السلبيات بيطفشوا الناس ... طيب اعمل انت واهلك مثل السيسي اشتغلوا بضمير خافوا على البلد ... اتعظوا من البلدان اللي حواليكم .... وجهوا الناس للصح اذا كان فيه شخص بيخاف على البلد دي وعاوز ينهض بها فهو السيسي ... الراجل على كل الجبهات شغال ..... بيحارب بينمي وكل الشرفاء من ابناء الوطن وراه .... فعلا الناس فهمت من هم الإعلاميين
عدد الردود 0
بواسطة:
طرازان
مكلمة ....
مكلمة ... دى كانت فقرة عمرو اديب مسميها مكلمة فى برنامج كل يوم ... و انا شاهدت هذة الحلقة و كان أول متحدث فى تلك الفقرة السيدة الفاضلة جيهان ... و علقت على كلماتها فى اليوم السابع و شكرتها على كل ما تحدثت به ... و علقت على الاعلاميين المتلونين و طالبت بأن يتجهوا للعمل بقناة المغفلين بتركيا ... و تسألت كيف للسيد ابو هشيمة ان يترك القناة سداح مداح لامثال هؤلاء الاعلاميين ... لانريد منكم ان تمدحوا سيادة الرئيس السيسى و لكن لا تسيئوا له ... كفاكم اللعب على مئة حبل ... و كفاية الملايين اللى دخلت خزانتكم من هذا اللعب !!! لانريد منكم مدح الحكومة على طول و لا الاسائة للحكومة على طول ... لانرد منكم أن تعطوا الامل للشعب فى بكرة ... و لكن لا تنحروة الان ... لا نريد منكم الشفافية و الخبر الاعلامى و الكلام المجعلص اللى هيه لبانه بتتاخد قبل تقديم أى حلقة ... كلام السيدة جيهان كان فعلا صحيح مليون المية فى عمرو اديب و وكفاية كدة على عمورة ويأخذ المدام فى ايده و يطلع يتفسح و يتشبرق حبة من اللى اتلم
عدد الردود 0
بواسطة:
مصري واحب السيسي
اياكم والاعلام الفاسد
برافو عليكي عمرو اديب واعلامه الفاسد ها يضيعوا البلد احذروا من هذا الثعلب والقنوات الخائنه وأين ماسبيرو من هذا الهدام واحذر المصريين اذا لم ينتخب السيسي ورجع الاخوان للحكم ستصير حرب اهليه لان الاخوان متربصين .. واعذر من انذر ويارب احفظ مصر من كل سوء وكلام عمرو اديب مبطن لعدم انتخاب السيسي وهو شريك للاخوان
عدد الردود 0
بواسطة:
مريم
سيسى سيسى انت رئيسى وافتحر بك
لازم كلنا نواجه هذا العمرو ونقول له نعم والف نعم للسيسى
عدد الردود 0
بواسطة:
mohmd
اشكرك سيدتى المحترمة قمتى بما لايقوم به الرجال
كل الشكر لزعيمة صوت الشعب نعععععععععم للسيسى رغم انف اديب وجدة
عدد الردود 0
بواسطة:
بطلوا تتخانقوا
بطلوا تتخانقوا
يا مصريين ياللي بتحبوا بلدكم ...بطلوا تتخانقوا...عشان انتوا مش شايفين اللي بيحصل حوالينا...مصر بيتم شدها لحرب شرسه وانتوا قاعدين تتخانقوا....الأسعار غاليه جدا ونااار والعلاج مش موجود نسبه كبيره منه والعين بقت بصيره والإيد مش قصيره لكن هتتشل قريب....بس في حاجه مهمه لازم نفوق لها فبل فوات الاوان...مصر هتبتدي تشم نفسها بدأت تتنفس....وهتتنفس أكتر لما نركز علي بلدنا ونهضتها...في مساوئ كتيييير ...بس مشاكلنا بتكبر مع زيادة أعدادنا...لكن انا شايف ان البلد هتقوم...متجوش انتوا والناس في الشارع...والاتوبيسات...والمحلات تتخانق...ونبدأ نصنف بعضنا...انتا إخواني...وانتا بتطبل للسيسي... وانتا علاني....ده كلام فاااات أوانه...خلاص...في عيون كلها ناااار عايزه تنهش البلد دي ..والسعوديه ف وقت واحد...علشان ميلحقشي حد يقف جنب التاني....شوفوا بقي ...انتوا مش بتحبوا مصر...محدش يقول بيحب مصر..لإنكم كووووولكم ..بتبصوا لنفسكم..وتحت رجليكم...واللي انا شايفاه...ان السيسي راااااجل....وأد المسئوليه...والجيش والشرطه...واحنا مورناش غير الللت والعجم والكلام ...ركزوا مع مصر...لحسن هتهدوا كل اللي بناه هذا الرجل...ولو اتهد لاقدر الله...مصر مش هترجع تاااااني...اتقوا ربنا وراقبوه في تصرفاتكم ..حالنا هيتصلح...الغني يدي للفقير...عشان الفقير ميدعيش عليه وعلي البلد...صدقوني تجنبوا دعوة فقراء جوعانين علي ناس غناها فاحش ومبتبصش للفقير ولا تديه حقه...عشان دعوه زي دي ممكن تدمر كل شئ .
عدد الردود 0
بواسطة:
يسرا محمود
برافو ياجيهان
برافو عليكى ياجيهان قولتى كل نفسنا نقوله واصلى اللى مابيشوفش من الغربال يكون اعمي والحمد على على نعمه الامن والاستقرار وربنا يوفق السيسى وتحيا مصر
عدد الردود 0
بواسطة:
مواطن
السيسى
السيسي