صرح مسئول مركز الإعلام الأمنى بوزارة الداخلية، أنه أثناء مرور إحدى سيارات القول الأمنى المعين، لملاحظة الحالة بدائرة مركز شرطة البدرشين بالجيزة، صباح اليوم الجمعة، أطلق ثلاثة أشخاص مجهولين يستقلون دراجة نارية أعيرة من سلاح آلى كان بحوزتهم تجاه السيارة ، حيث بادلهم أحد ضباط الشرطة الذى كان على مقربة من الحادث إطلاق النيران، وهو ما أجبرهم على الفرار .
وأضافت الداخلية، أن الحادث أسفر عن استشهاد أمين شرطة وأحد الأفراد وثلاث مجندين، وعلى الفور انتقلت الأجهزة الأمنية إلى محل الواقعة، للوقوف على ملابساتها ، وتم اتخاذ الإجراءات القانونية.
![](https://img.youm7.com/ArticleImgs/2017/7/14/45437-هجوم-ارهابي-على-كمين-سقاره-السياحي--(1).jpg)
![](https://img.youm7.com/ArticleImgs/2017/7/14/71748-هجوم-ارهابي-على-كمين-سقاره-السياحي--(2).jpg)
![](https://img.youm7.com/ArticleImgs/2017/7/14/79155-هجوم-ارهابي-على-كمين-سقاره-السياحي--(3).jpg)
![](https://img.youm7.com/ArticleImgs/2017/7/14/81196-هجوم-ارهابي-على-كمين-سقاره-السياحي--(4).jpg)
![](https://img.youm7.com/ArticleImgs/2017/7/14/72791-هجوم-ارهابي-على-كمين-سقاره-السياحي--(5).jpg)
![](https://img.youm7.com/ArticleImgs/2017/7/14/84261-هجوم-ارهابي-على-كمين-سقاره-السياحي--(6).jpg)
عدد الردود 0
بواسطة:
ابن مصر
الله يرحم شهدائنا ولكن
الى متى نقول الله يرحم الشهداء وينتقم من الارهابيين لابد من وضع حلول لهذه العمليات الارهابية
عدد الردود 0
بواسطة:
جوهرة
خدوا القوانين من نبض الناس
خمسين الف مرة الشعب قال مايركبش اكتر من واحد علي موتوسيكل وتكون نمره عليه كل يوم اليوم السابع بينشر سيارات وتريلات بدون الواح معدنية تجوب شوارع المحروسة ولا نعلم ماذا حصل بهم؟ هيصة؟ عملتوا تحديث بيانات جديد لهواتف المحمول وشرعتوا غرامات علي الشركات في حالة التقاعص والتلاعب في كروت بلا معلومات وافية؟ مع كل كمين او قول لازم كاميرا متحركة مش صعبة هي مربوطة علي باقة يعني تصور وتبعت للمركز علي طول فيه ماركات زي سوني بتعملها..برة اللي بيحرض علي صفحات التواصل نص مليون غرامة و3 سنين سجن وبعدين ابعاد بس مش قبل ما يخلص النص مليون غرامة..لا حقوق لانسان مفسد في الارض
عدد الردود 0
بواسطة:
Lolo
؟؟؟
لن تكون العملية الاخيرة ضد كمائن شرطتنا لكن السؤال الاهم هو هل الصديري الواقي من اختراق الرصاص اغلي علي الوزارة من دم ابنائها ؟ سيناريو قميء والنهاية محفوظه ومكررة ولا نملك غير التنديد ونحيب النساء.
عدد الردود 0
بواسطة:
فوزى
ازاى
ازاى استطاع ثلاثه ارهابين معاهم بندقيه آليه ان يقتلو خمسه افراد شرطه مسلحين ومدربين دون قتل واحد او اكثر من الارهابيين .. مطلوب مزيد من تدريب رجال الشرطه والحذر وتوقع الهجوم فى اى لحظه
عدد الردود 0
بواسطة:
بنت مصرية
يا سيادة الوزير !!
بداية طبعا رحم الله شهداء الوطن وجمعنا بهم فى الجنة بأذن الله , ردا على الأخ فوزى اللى بيسأل ازاى تلت ارهابيين ببندقة الى يقتلوا خمس افراد شرطة مسلحين , حضرتك البندقية الألى ممكن تقتل عشرين شخص فى خمس ثوانى مثلا لأنها بترش الرصاص زى ما الخرطوم بيرش المية تمام !! بمجرد الضغط على الزناد الطلقات بتخرج تباعا وبسرعة ومش بتتوقف , كأنك بترش اللى قدامك بخرطوم مية قوى , مع ملاحظة ان ده خرطوم رصاص , يعنى مجرد الزذاذ بس هيقتل اللى قدامك !! المشكلة مش فى تدريب الأفراد ولا كفاءتهم , المشكلة يا سيادة وزير الداخلية ان اسلوب الكماين الثابتة والمتحركة الحالى غلط !! ايه الداعى فى الظروف الحالية ان الكماين الثابتة تفضل بالأسابيع ويمكن بالشهور تتمركز يوميا فى نفس الأماكن وفى نفس الأوقات !! دا فيه كمين انا بعدى عليه يوميا بنفس افراده فى نفس التوقيت بقالى اسبوعين لدرجة انهم حفظوا العربية ومبقوش اصلا بيوقفوها !! بقينا عشرة يعنى !! وايه الداعى ان الكماين المتحركة برضه تتحرك يوميا بنفس خط سيرها وفى نفس توقيتها لدرجة تظبط عليها الساعة , يعنى تبقى عارف مثلا ان فيه كمين متحرك فيه ضابط واربع افراد امن بيمر من الطريق الفلانى الساعة اربعة صباحا !! وايه الداعى ان الضابط او فرد الأمن يبقى مسلح وخايف يستعمل سلاحه !! لأنه لازم ينضرب عليه نار فعليا علشان يبقى من حقه يضرب نار والا يتحاكم , يعنى لو هو شايف المسلح واقف قدامه ورافع البندقية وهيضربه بس لسه مضربش مش من حقه يضربه غير لو المسلح ده بدأ بضرب النار !! فطبعا فى الحالة دى اكيد المسلح هيضرب نار فيقتل الضابط اللى كان فى ايده السلاح بس خايف يضغط على الزناد ليطلع فى الآخر هو اللى مجرم !! من باب وانت ازاى اتأكدت انه كان هيضربك مش يمكن كان بيهددك بس !! بأى عقل الكلام ده وبأى منطق يا سيادة الوزير !! يا سيادة الوزير الشهداء اللى بيقعوا كل يوم دول ولادك واخوتنا وولادنا , يعنى احنا وسيادتك يهمنا سلامتهم , فلازم يتعاد النظر فى الوضع الحالى للسيطرة على النزيف ده قبل ما يموتنا كلنا .