أعرب نجم الجيل تامر حسنى، عن سعادته الكبيرة باختيار فيلمه الجديد "تصبح على خير"، للعرض فى هوليوود بدعوة من مجلة enigma العالمية فى 9 أغسطس المقبل، مؤكدا: "لسه مش مصدق وخايف أفرح أصلا".
وكتب تامر عبر صفحته الرسمية على فيس بوك: "والله العظيم كان حلم من أحلام حياتى إنى أكون فنان مصرى عربى وأحد مشاهير العالم اللى ممكن صوته يوصل لكبار متخصصين الفن فى العالم، عشان يقيموا مشوارى الفنى ويتعملى الطباعة الأسمنتية لليد والقدم فى هوليوود".
وتابع تامر: "إنما كمان أكون أول فنان عربى وكمان فيلمى تصبح على خير هيكون أول إنتاج مصرى يعرض على شاشات هذا المسرح العريق فى هوليوود، ده كرم كبير أوى، ولحد ما تمت دعوتى للتكريم ولوقتنا هذا أنا والله لسه مش مصدق وخايف أفرح أصلا".
تامر حسنى عبر فيس بوك
وأوضح تامر: "بس كان لازم أعبر لكم عن صدمتى وفرحتى بالتكريم ده، أصله ليه معنى كبير أوى عندى كمصرى عربى، لازم تعرفوا إن مفيش مستحيل مهما شوفتوا أى ظروف وواجهتوا أى صعاب، طول ما أنت بتحلم وبتسعى وبتجتهد مفيش مستحيل، شكراً مجلة enigma العالمية، الحمدلله".
![دعوة المجلة دعوة المجلة](https://img.youm7.com/ArticleImgs/2017/7/5/156335-دعوة-المجلة.jpg)
دعوة المجلة
عدد الردود 0
بواسطة:
mahmoud
فيلم تامر حسنى تصبح على خير
هذا الفليم من اسوأ الافلام التى شاهدتها فى حياتى سواء الزمن المعاصر أو الماضى ولا اعلم على أى اساس تم إختياره لا قصة ولا أداء ولا حاجة خالص
عدد الردود 0
بواسطة:
حمدى
تامر والامنية الكبرى
وفقك الله لما يحب ويرضى
عدد الردود 0
بواسطة:
noha
تستاهلها
انت شخص مجتهد وتستاهل كل خير .. ربنا يوفقك ويحققهالك
عدد الردود 0
بواسطة:
محمد
الفيلم حلو جدا و تامر فنان شاطر
فيلم مميز يستحق المشاهدة وتامر فنان فعلا مجتهد ، الفن المصري ممكن يبقي رافد هام جدا في توفير العملات الأجنبية، بس عاوزين تسويق محترم