- متعب آخر الفراودة اللى فيهم ريحة الموهبة
- كوبر ناجح مع المنتخب بالنتايج ولو كسبنا أوغندا ضمنا الصعود للمونديال
- حسيت إنى مش هكمل مع المقاصة من شهرين بعد تغير المعاملة
- هناك لاعبين مطلوبة بالملايين وتركتهم مجانا لأنهم "مش ماشيين معايا"
-استطلعت رأى طولان لتدريب الأبيض .. ولا تقارنونى بـ"الجوهرى"
كما تحدث جلال عن كواليس رحيله عن المقاصة رغم ارتباطه بعقد ممتد لعامين جديدين والأسباب التى عجّلت برحيله وإنهاء رحلة النجاح مع الفريق الفيومى وكذلك رأيه فى بعض القضايا التى تهم الكرة المصرية، وهو ما كشفه فى ندوة "اليوم السابع".
.jpg)
**بداية.. أين وصلت مفاوضات
الزمالك
مع لتولى القيادة الفنية؟
أريد توضيح نقطتين .. أولا الزمالك والأهلى شرف لأى مدرب أن يتولى تدريبهما، ولابد للجميع أن يتفهم أننى لم أرفض الزمالك ولكن كنت ملتزما بعقد مع المقاصة، وللعلم فقد تفاوض معى الزمالك مرتين من قبل، الأولى قبل الخروج من بطولة افريقيا.. والثانية بعد رحيل ايناسيو.
**ما هى إيجابيات الزمالك؟
الإيجابيات أنه الزمالك أحد أكبر الأندية العربية وأشهر نادى فى مصر مع الأهلى وايجابياته كثيرة أنه ضمن أشهر ناديين فى مصر، وإذا عرض على أى مدرب سيوافق، والسلبيات تعود لشخصى أن أوافق عليها أو ارفضها وتختلف من شخص للآخر وتتوقف على الشخص نفسه.
**ما هو أول شرط لو توليت تدريب الزمالك.. وهل ستوافق علي تدخل أحد في عملك؟
لا يوجد شرط معين.. وبالنسبة للتدخل فأعلم أن مرتضى منصور لا يتدخل ولا يوجد مدرب أكد أنه تدخل فى عمله، ولو حدثت مشكلة وأعلن أنه لا يرغب فى استمرار المدرب سهل جدا يتم إنهاء العلاقة بالاحترام فى أى مكان، وأنا لست قلقا ولن أقبل بشىء غير الذى أرغبه وأحتاجه.
.jpg)
**ما سر الكلام عن أنك رفضت المقاصة بسبب مفاوضات الزمالك؟
ليس حقيقى ، ومستحيل ولم يحدث.. وإلا كنت قبلت تولى تدريب الزمالك من المرة الأولى ولدى مشكلة واحدة، حيث أننى يهمنى شكلى العام وألا يقال عنى تركت المقاصة للرحيل لنادى آخر وهذه الجزئية تهمنى جدا وأحافظ عليها منذ كنت لاعبا، ومعنديش السبب اللى يخلى شكلى وحش إنى أسيب مكان بدون موافقته بغض النظر كان المكان اللى هروحه اكبر ولا لا، حتى آخر مرة كانت مفاوضات عادية ولم تصل لمستوى كبير.
**وما هى الأسباب الحقيقية للرحيل عن المقاصة؟
شعرت بأننى لن أكون مستريحا ، وقلت أن النادى يحتاج لشخص آخر يكمل المسيرة وكنت أشعر بأننى لن أكمل منذ شهرين بعدما استشعرت وجود تغيرات ولن أستطع خاصة أنه فى وجود أموراً لن تتغير وليس بإمكانى تغييرها والمسئولين بالمقاصة كانوا يتعاملون معى باحترام وأنا تعاملت معهم بكل أمانة واحترام، وانا مش عايز الناس تتكلم عنى وحش، وفضلت انى ما اكملش.
**رحيل اللاعبين عن المقاصة هل كان لك رأى فيه؟
إدارة النادى كانت تستشيرنى وأنا من حددت سعر بيع أحمد الشيخ وميدو جابر.. وللعلم تعاقدنا مع الشيخ وأحمد مسعود وأحمد سامى بمليون و800 ألف جنيه، ومسعود انتقل للمصرى إعارة بـ400 ألف جنيه، وطلبتهم لتدعيم المقاصة بعد تولى المسئولية الفنية ثم قمنا ببيع الشيخ بـ9 ملايين.
.jpg)
**هل رحيل اللاعبين المؤثرين من أسباب الرحيل؟
*لا.. هشام محمد وأحمد داوودا من اللاعبين المؤثرين وكانوا يُطلعاننى على المفاوضات معهم أول بأول ولم أعارض رحيلهما ولكن كنت أطالبهما بالتركيز والحفاظ على مستواهما فقط، وهما أديا دورهما لكن حدث اختلاف أن الإدارة اتفقت مع الاهلى والزمالك على أشياء ونفذوا أشياء أخرى مختلفة، بخلاف أنهم منحوا استغناء اللاعبين قبل تحديد البدائل المنضمين على سبيل الإعارة، وموضوع محمد حمدى زكى أنه وقع منذ فترة وقلت للإدارة إنه لاعب جيد ولكننى لا أحتاجه وفضلت ألا افتعل أزمة ولكننى لن أقبل بأمور تتم بدون معرفتى لأن دورى أحصل على راتب نظير أن أختار الأفضل للفريق من وجهة نظرى وليس للنادى لانى لا ادير النادى.
**وماذا حدث بعد ذلك؟
*بخصوص هشام محمد، فالإدارة منحت الاستغناء الخاص به للأهلى بدون الحصول على توقيع ميدو جابر وجون أنطوى، وهناك أمر آخر لا يعرفه البعض اننى كنت أحتاج لضم كريم نيدفيد من الأهلى وأنا اشترطت الإعارة تكون عام ونصف وطلبت منهم يستطلعوا رأى نيدفيد وبالفعل تم التحدث معه وهو اعتذر بأدب عن الانضمام للمقاصة وبالنسبة لميدو جابر فإن وليد هويدى قال إنه كلمه واعتذر عن العودة للمقاصة، وللعلم ميدو جابر اتصل بى ووضح لى الأمر واعتذر لى، ولكن الأزمة فى عدم الحصول على موافقة اللاعبين قبل منح استغناء الخاص بهشام محمد ومن هنا بدأت أشعر أن هناك أمورا سنقف عندها، خاصة أننى من أتحمل المسئولية .
.jpg)
**هل ترى أن النادى قصّر فى شىء؟
*لا أقول أن النادى قصّر فى شىء فهو ناد مميز ومستقر وأغلب الأمور كانت تتم بشكل جيد واكتشفت أن الأسلوب اختلف بعض الشىء، وكل الكلام اللى تقال مفيهوش حاجة صح، وأعتقد أن هناك من نقل معلومات غير صحيحة للواء محمد عبد السلام رئيس النادى.
**وماذا عن الشرط الجزائى فى عقدك مع المقاصة؟
*لا يوجد شرط جزائى لأن العقد غير موجود وهذه من الأسباب اللى أثارت استيائى، وللعلم فيه ناديين لهما رؤساء أندية دائما يكونان تحت ضغط هما مرتضى منصور وفرج عامر حيث يحاولان أن يطورا أنديتهما لأحسن حال وأنا أحاول أن أرفع عنهم الحمل الفنى.. لأنه فى الاول والاخر لو ما عجبتكش كمدرب ممكن تمشيني، والشرط الجزائى شايفه حاجة معادية لان ايه اللى يخليك تستحمل الضغوط دى لو مش مرتاح ومش شايف انه هو مهم بالنسبة لي، ومش الشرط الجزائى إلى هيخليك تستحمل حاجة ولا الشرط الجزائى اللى يخلى النادى يصبر عليك.
**ماذا ينقص المقاصة للتتويج بالبطولة؟
أولا التوفيق ثانيا الملعب لازم يبقى فيه ملعب أساسى موجود يتدرب عليه الفريق بدون حجز ملعب للتدريب، لكن فى الأول والآخر مش ملعب النادى، وما اعتقدش كان ناقصنا حاجات كتير تانية، والعادى تجيب أكتر من 70 نقطة.
**لو روحت الزمالك أول لاعب هتضمه؟
*اذا كان هناك نصيب لتولى المهمة ..الوقت هيبقى ضيق وهما جابوا مجموعة من الصفقات الجديدة؟
**وهل ستطلب لاعبين من الأهلى للزمالك؟
*الأمر سيكون صعبا بسبب عدم وجود مفاوضات بين الناديين علي شراء اللاعبين بين الاهلي والزمالك ودي هتبقي بداية الناس تبقي اكثر احترافية، ولكن لو طلبت اخد الشيخ وميدو جابر وهشام محمد اللاعبين الذين دربتهم بالمقاصة.
.jpg)
**كثير من يقارن بينك وبين الجوهرى خصوصا انك ليس من أبناء الزمالك؟
*الجوهري رحمة الله عليه رجل عظيم ولكن لازم يبقي عندك طموح والجوهري افضل واحد في تاريخ مصر في عمل حاجة مختلفة بغض النظر ان حسن شحاتة عمل حاجة ممكن مفيش حد يعرف يعملها ، ودي اوقات مختلفة، زي المقارنة بين مارادونا وميسي ومفيش ما بينهم مقارنة لانهم جاءوا في أوقات مختلفة .
**هناك من يعترض من أبناء الزمالك لقدوم مدرب من خارج النادى؟
*من حقهم أن يقولون ذلك وأبناء الزمالك كتير وابو رجيلة كابتن واستاذى وحلمى طولان من الناس اللى بتعلم منهم وحسن شحاتة مدرب كبير وحق البعض أنه يغير بطريقة ايجابية ، والجوهرى كان بيتهاجم والمهم استقبل الكلام ازاى لانى مش هقبل كلام جارح وهرد على أى حد ومعنديش اللى أخاف منه، إذا ما حدث اتفاق وهنقول أى نادى جماهيرى كبير هيواجه الكلام ده والمهم اعمل اللى عليا، وعايز أقول حاجة مختلفة إنه فيه حاجات اختلفت، كابتن حلمى طولان لا يزال يعمل بالتدريب وهو استاذ فعلا فى التدريب ولما يزعل ويتكلم يبقى كلامه ليه وجهة نظر ، لكن مش فارق معايا حد تانى ممكن ما يبقاش فارق معايا ممكن حد صغير عايز يطلع او حد قدراته التدريبية عادية.
**هل استطلعت أحد من أبناء الزمالك لتولي الزمالك؟
*استطلعت رأى حلمى طولان فى مرحلة المفاوضات الأولى وقالى بعض الحاجات.
.jpg "ندوه ايهاب جلال (1)")
**الم تخف من تكرار تجربة العشري وعبد العال في المرحلة المقبلة؟
*الموضوع مختلف وكل واحد فيهم عنده فلسفة وفيه حاجة مهمة انى اللى بشتغل بيه فى المقاصة مش بالضرورة اشتغل بيه فى مكان تاني، وسبب نجاح المدرب فى مكان واحد انه بياخد نفس الفكرة او التدريبات وده اللى قالهولنا ماركوس مدرب الاسماعيلى السابق، وقال المدرب المصرى مشكلته ما يتغيرش بيدرب بنفس الطريقة، ولو ما طورتش نفسك كل يوم هتبقى بعيد عن التدريب، ولو خوفت من التجربة يبقى هتبقى مثل أى حد.
**وماذا عن اتفاقك مع الزمالك؟
*بالنسبة لاتفاقاتي مع الزمالك لن اتنازل عن مطالب معينة في شغلي بغض النظر عن الفلوس.. المعاملة بشكل معين واللاعبين لا تتعامل مع الادارة بشكل معين والادارة تدير النادي هي رأس النادي كله بما فيهم فريق الكرة ولكن انا مدير فني واتحاسب علي ده كله ، وهناك 4 اسابيع فقط في فترة الاعداد مع لاعبين لم تحصل علي راحة وعلي أن أتعامل كيف أريح اللاعبين على فترات راحة مختلفة حسب مشاركاته.
**ما هو تقييمك لكوبر؟
* اري أنه يسير بشكل طيب حتى الآن كنتائج وهو ناجح وطريقة لعبه مش مهم تعجب الناس المهم النتيجة، واذا ربنا اراد وكسبنا مباراة أوغندا على أرض سنضمن الصعود لكأس العالم.
**ماذا أضاف كوبر؟
*أضاف الهدوء وانا كنت متوقع اختياراته من البداية انه يعتمد علي المحترفين وتكملة الفريق من لاعبي الاهلي والزمالك ، ولا يحق لي تقييم كوبر واحتفظ بالتقييم لنفسي ولكن اري انه ناجح.
.jpg "ندوه ايهاب جلال (2)")
**وما رأيك في اختياراته للاعبين؟
*كل مدرب له طقوس معينة في التدريب يعني الكابتن جوهري كان يختار 11 او 12 لاعب فقط وكابتن حسن شحاتة كان يختار احسن 22 لاعب ، والجوهري كان احسن واحد في وقته وشحاتة كان احسن واحد في وقته، وهو كل مدرب ليه وجهة نظره.
**من الأفضل في التدريب ؟
*في التدريب الجوهري هو الافضل كان يخطط بشكل جيد وعنده فكر وهو السبب ف تحرير عقود احتراف للاعبين عام 89، وحسن شحاتة عمل انجاز مش هيتعمل، وعمل حاجة مميزة هو من ابناء الزمالك واختار اللاعبين من الاهلي وعمل بيهم انجاز ودي حاجة مكنتش موجودة قبل كده وفي 2006 لم نكن احسن فريق وفي 2008 احسن اداء للمنتخب، وكان يحدث اختيار للاعبين بنابع الانتماء حتي لو كان بعيدا عن فورمته الفنية.
**لو كنت مدربا للأهلي كيف تتعامل مع متعب وغالي؟
*قرار متعب وغالي هو قرار اداري للأهلي ولكن لو فني أري أنهم يلعبوا وقادرين علي العطاء وفي الهجوم الاهلي لا يستقر علي مهاجم معين حيث يلعب الجميع ويطبق التدوير في خط الهجوم والتغيير شقين اولا كيف يتعامل اللاعب مع الخطة التي يحددها المدرب ثانيان ويكون اللاعب متفاهمين مع بعض، ومتعب لاعب كبير آخر الفراودة اللي فيهم ريحة الموهبة في الـ18 ولو انه زكي جدا والاوقات اللي حصل علي فرصة تدل علي اني انا عايزه لهدف وعارف انه قادر يغير النتيجة ، ومشكلتهم في الادارة ولو هيبطلوا.
**لو مدربا للزمالك وعرض عليك ضم متعب؟
*طبعا متعب لاعب كبير ولو عرض علي في المقاصة سأحصل عليه ولكن في الزمالك لا أعرف حتي يعرض علي الأمر والعملية شائكة وجائز اللاعبين مش قادرة تطلع مستواها لأسباب مختلفة ويمكن عشان بعيد عن الدوري لفترة بعيدة وكذلك تغيير المدربين واللاعبين اضعف حلقة في وجود الضغط لأنه يكون مشتتا، ولازم اللاعب يكون عنده ادني حد من المسئولية.
.jpg "ندوه ايهاب جلال (3)")
**الزمالك يعيش أسوأ حالات تري كم يحتاج للوقت لاحداث تغيير؟
**انا هتكلم عامة علي أي فريق فيه حاجات سريعة شكل الفريق الدفاعي بشكل عام وحاجات هجومية محتاجة شغل شوية ومن خلال التسلسل ده هتحتاج تكسب والاندية الكبيرة ما ينفعش فيها غير الاداء الكويس ومن الحاجات الي قالها ماركوس "وانت بتغير لازم تحافظ علي شكل الفريق في النتايج".
**هل تري ان هناك لاعبين تستحق الرحيل؟
*اللاعبين تحت ضغط ولازم تحط لهم 30% عذر وتحسب بالأداء الذي قدموه قبل ذلك والاداي اللي تتصور انه ممكن يعملوه ووقت زي ده هيبقي مزنوق وتظل متوسم في تغيير بعض الحاجات مثل اللاعبين .
**ما سر تأثرك بالمدرب ماركوس ؟
*مكنتش هشتغل في التدريب لحد الراجل ده لما جه هو ومستر هوف لان المدرسة الهولندية دي مدرسة تدريب جيدة وفرنسا معندهاش مدرسة تدريبية ولكن عندها مدربين ناجحين وفي هولندا عندهم فلسفة تدريبية وما ينفعش تشتغل عندهم غير لو خدت دورة في هولندا .
**وما هي المدارس التدريبية التي تهتم بها؟
*لا أهتم بمدارس معينة ولا أشجع أحد ولكن اشاهد ماذا يفعل هؤلاء المدربين ، جوارديولا درب سنة واحدة ناشئين وبعدها تولي برشلونة وعمل طفرة واللي عنده فكرة هيطبقها ونفس الكلام لما راح بايرن ميونيخ ونفس الامر في مانشستر سيتي وده عنده فلسفة ومورينيو عنده فلسفة مختلفة بعض الشيء تعتمد علي تنظيم الناحية الدفاعية وانطونيو كونتي عنده طريقة وليس فلسفة تدريبية واللاعبين هي من تفرق مثل هازارد حيث تحدث مشكلة عندما يغيب هازارد .
