القلوب البيضاء زهقت وقفلت ببانها بقفل
والناس الأصيلة تعبت من حب حصيلته صفر
الزمن يا ناس اتغير وغير كل شىء
فرَم كبير وصغير ومحدش فينا برىء
مين اللى حاسب نفسه قبل حساب الغير
مين اعترف بغلطه وعمل حساب لكبير
مين اللى بدأ بنفسه وقدم لغيره خير
وكان همه بس ربه وقلبه كان بصير
الكل قلبه أعمى مش شايف حاجات كتير
ماشى فى سكة ضالمة ورافض يقدم خير
إزاى نفوق وإمته ترجع أيام زمان؟
عايشين حياتنا كدبة ومقلوب بيننا الميزان
لا فيها شىء بيسُر وطعم الحب مُر
والعمر اديه بيكُر وإحنا مش حاسين
القلب سجين مش حر عايش يا ناس مضطر
غرقان فى بحر المر والسما عليه بتخر
أمطار وشتاء ورياح وعمره ما فى يوم ارتاح
عايش ليله صباح وسنين تدور وتكُر
قطر الحياة بيفوت يعدى علينا الموت
نسيب الحياة فى سكوت ويموت معانا السر
تم أضافة تعليقك سوف يظهر بعد المراجعة