أعلنت الإعلامية داليا أبو عمر تعافيها من فيروس كورونا وعلقت على صفحتها الفيس بوك " صباح الخير انا خفيت الحمدلله عدت علي خير المهم بقي ان كورونا هانم ادتني كل الاعراض بسخاء، حتي الاعراض النادرة والاعراض اللي بتيجي للاطفال كانت عامل باكديج لطيف ليا الصراحة الست كريمه وسخيه، لكن جت بقي عند اجسام مضاده وقالت لك لاء فانا طبيا خفيت، وماحدش رجاءًا يدخل يقولي ازاي مافيش اجسام مضادة، لان للاسف مش كل الناس بتكون اجسام مضادة، حسب شرح الدكتور دي حاجة متعلقة بالمناعة وانا مناعتي ضعيفة المهم الفيروس ده شرير".
وأضافت :نصيحة بما ان مافيش معلومه بتقول جسمك هيتعامل معاه ازاي فبلاش تقرب منه، ولا تخليه يقرب منك، شكرا لكل اللي سأل عليا ربنا يخليكم وربنا ما يحرمني من سؤالك .
داليا أبو عمر هى إعلامية ومذيعة مصرية عملت بالعديد من القنوات المصرية، وخاضت تجربتها التمثيلية الأولى ضمن مسلسل "الوحدة"، كما حلّت ضيفة شرف في مسلسل "بعد البداية"، وتقدم "أبو عمر" الآن برنامجًا على يوتيوب باسم "دلعيه يدلعك".
