بعد تعرضه لوعكة صحية استمرت 160 يومًا تمكن المطرب والمخرج أحمد ثروت من المشى والحركة، وكان نجل الفنان الكبير محمد ثروت أصيب بمرض مناعى نادر يسمى "ميلر فيشر" مما أدى لتوقفه عن الحركة والمشى واضطراره لاستخدام كرسى متحرك.
وظهر أحمد ثروت فى فيديو وهو يحاول المشى والوقوف بعد فترة طويلة من العلاج والتأهيل الطبى بمساعدة فريق طبى فى ألمانيا.
وعلق على الصورة قائلاً: "الحمد لله كرم من ربنا وبفضل دعواتكم النهاردة بعد 160 يومًا صراع مع متلازمة ميلر فيشر أول يوم أنجح انى أقف تانى على رجلى بعد مئات المحاولات"
وأضاف: "حابب أشكر كل واحد دعا لى من قلبه وكل أصحابى وأهلى اللى كان حبهم ليا من أسباب إنى أقف تانى على رجلى بعد ستر وتوفيق ربنا"
وتابع: "اتعلمت كتير من اختبار ربنا ليا.. اتعلمت الرضا والحمد على كل حال وإن ستر ربنا علينا فوق كل شيء" وأكمل: "عادى ممكن ابتدى تانى كل حاجة من الأول وإن لسه فى أمل طول ما فى حياة"
وتابع: "ربنا ألهمنى فى أول الإصابة إنى أوثق الاختبار ده من أول يوم وأتمنى أكون سبب فى التوعية لهذه الأمراض النادرة.. وإزاى لو لا قدر الله اتصابت أنت بيها أو حد قريب منك تتعامل معاها إزاى لأن جزء كبير من التعافى هو الحالة النفسية للمصاب"
