طرحت المطربة ساندى أحدث أغانيها التي تحمل اسم "أنت تقبل" من كلمات منة القيعى وألحان عزيز الشافعى وتوزيع تميم وإنتاج روتانا.
وتقول كلمات الأغنية:
أنا مش هنكر إني لما رحت بجد مني انجرحت
مش ندم على قد ما لما شوفتك ويا غيري اتوجعت
سبتك أيوة سبتك مش هغير أنا ف كلامي ولا اتراجعت
بس لما عرفت إن إنت قدرت تحب بعدي اتضايقت
مش أناني
برضه إنت لو مكاني
لو عرفت إني بقابل حد تاني
مش هتسأل؟
حتى لو مش ناوي ترجع
لو لقيتني ف حضن غيرك
مش هتزعل؟
طب فرضنا اني قبلت تكون لغيري.. إنت تقبل؟
كل الناس لاموني ليه بتسألي وقالولي انتي لسه؟
معذورين ما فات كتير عدى وقت كبير وليه بعملها قصة..
سيبتك ايوا سيبتك مش بغير أنا ف كلامي ولا اتراجعت
بس يمكن كان ف عيني الغياب ده مش معناه إن إنت ضعت
هو إنت ضعت؟
يعتبر هذا العمل الغنائى هو التعاون الأول للمطربة ساندي مع الشاعرة منة القيعي، والتعاون الثامن مع الملحن عزيز الشافعي، حيث تعاون الثنائى في عدة أعمال استطاعت أن تحقق نجاحًا على منصات الموسيقى المختلفة، وهي: "زي النهاردة" و"أحلى من الڤانيليا" و"ازيك النهاردة" و"الحالة الحالة"، و"بعد التان" و"الرعشة" و"اللولبية".
يذكر أن آخر ألبومات ساندى يحمل اسم "اتنين فى واحدة" وضم 8 أغنيات متنوعة من الرومانسى والدراما والهاوس، حيث تعاونت فى الألبوم مع عدد كبير من الشعراء والملحنين والموزعين مثل جمال الخولى، أسامة محرز، أحمد المالكي، سلمى رشيد، محمد أبو القاسم، محمد يحيى، هيثم نبيل، شريف إسماعيل، محمد خلف، علاء الراوي، أحمد برازيلي، هاني يعقوب، هاني ربيع، كريم عبد الوهاب، أحمد عبد السلام، كتبت ولحنت ساندى أغنية من أغانى الألبوم بمثابة تجربة جديدة لها والأغنية تحمل اسم "زي التمثال".
