خدت بنتى كدا قلت أحكيلها حدوتة
بنت هى عندها شوية سنين صغنطوطة
قلت أحكيلها قصة من اللى كانوا بيحكوهالنا
الغولة والكتكوت وعصافير الجنة
لسة باقول كان يا مكان
قالتلي: بابا!! دا كان زمان
انت هاتقولى جحا وعلى بابا وبتاع؟
والمسمار والحمار والمليم اللى ضاع؟
دلوقتى فى بوكيمون وهارى بوتر وصداع
طب يا بنتى وأنا أعمل أيه فيكى
إحنا اتربينا على بطوط وميكيى
قالتلى بابا إحنا أجيال مولودة متعلمة
أقعدلى على جنب ببجامتك المقلمة
والفانلة أم كمام مقطوعة
والعربية أم زمارة أعوعة
طب أنت عارف الفيس بوك؟ تعرف البى اس توو؟
دا الديش يا بابا بالعافية شغلتوه
يا بابا أحكيلى حكاية حلوة فيها بطل اللى هوة
يا بابا إحنا خريجين مدارس أجنبية
قولتلها وحياة أمك اللى عندها الضغط جوة
انت بنت مايصة مش متربية
تم أضافة تعليقك سوف يظهر بعد المراجعة