على رأى عمى صلاح جاهين "الشارع لكل المصريين"، اللى نزلوا الشارع محتجين، واللى عارضوا وقالوا مش نازلين، واللى قرروا يكونوا مؤيدين مش فاهمين بس اسمهم متظاهرين.
لما نتكلم عن شوارعنا ﻻزم نشوف فيها حضارتنا وثقافتنا، المصرى طول عمره مبدع حتى فى أبسط الأشياء، وكل ما العالم يقول مصر هانت ومالت يقوم شعبها ويرد بغضب مصر شامخة ليوم الدين.
عملنا ثوره كل اللى قالته "عيش حرية عدالة اجتماعية"، طب يا ناس يا خلق الله هو إحنا طلبنا المستحيل؟ ردوا علينا بكلام مترتب قالولنا "الثائر الحق يثور ليهدم الفساد ثم يهدأ ليبنى الأمجاد"، قلنا نبنى قالولنا أنتو مين؟، قولنا دستور قالوا انتخابات وقتها نص شبابنا مات.
وفجأة جالنا واحد بدقن قال أنا من هنا، وعاوز أحكم علشان ده حقنا، ولما سألناه أنتو مين؟ قال إحنا جماعة من المصريين على بلدنا خايفين، وهنجمع الناس وهنبنى بلدنا بالديمقراطية، وصدقناه ومشينا وراه، وفى يوم حكم مصر برلمان ومن بعدها رئيس وفجأه ومن غير سكات شد الشدة وشمر الحدفات واللى حولينا كله مات قلنا الدم حرام وكلمونا سياسة قالوا "اتتبعون دينا جديدا وخرجتم عن دين آبائكم"،،،، لك أن تنضم للأهل والعشيرة أو تتفرج على قناة الجزيرة!!
قام المصرى فى يوم 30 رده كان أقوى دليل، وكالمعتاد يصنع التاريخ ويقول للعالم كله أنا قررت التغيير، وده أقوى دليل إنك تعرف بقى وقتها ليه غيبوا عقول الملتحين علشان يبقوا مؤيدين وهما مش فاهمين ونغير حاجات بسيطة كده وأهو كله بيعدى
"الحرية" تبقى "شرعية".
عاوز شرعية؟ أنا موافقك ﻷنى كمان كنت بدور عليها بس عارف جبتها منين!! من المواطن اللى فى الشارع أصل هو صاحب الشرعية.
عاوز تتكلم مع الغرب وتبكى وتولول على الماضى وماله بس المهم، أنت مين أصلا علشان تتكلم مع الغرب؟؟؟ مش معنى إنك إخوانجى تفتكر نفسك قيادة، دى مصر أكبر منك ومن جماعتك والحقيقة إنك وﻻ حاجة.
عايز تتظاهر وتعبر عن رأيك؟ أنا موافقك بكل سلمية
لكن ترفع سلاح فى وش أخوك المصرى يبقى أنت مش مصرى أصل المصرى يعنى أصل وهوية مش جماعة إرهابية
والحقيقة إن الثائر الحق هواللى يكمل ثورته
ونرجع تانى نسأل الشارع لمين؟
الشارع لكل المصريين الوطنيين اللى على مصر خايفين.
عدد الردود 0
بواسطة:
Tamer
The only thing Egyptians are masters at...