زى ساقية ف ليل تئن
والمدار ما لُهْشى آخر
تروى ف الأرض الشراقي
والفيران جوة الشقوق
تاكل القمح الدفين
والشقوق ما تقولشى شارع
والمياه من تحت جاية
والفيران تطلع لفوق
والصغار يدفنها شق
زى أرض النوبة لمّا
انزرع قدامها سد
والبيوت عمالة تغرق
والتاريخ نام ف البحيرة
والجدود فى ترابها عاموا
صحيوا فاكرين يومها بعث
شفتوا ميه لمّاَ تعلي
تبقى طور أو تبقى وَحْش؟
والعرق ف الأرض داب
زى جزرة قطمها جحش
انبشوا أرض التاريخ
ياما جدى نبشها نبش
واكتبوا أصل الحكاية
جوة قلبى ناقشها نقش
والفيران ضاعت ولادها
والشقوق تبقالها نعش
والمدار بيدور فى دايرة
وكل دايرة ليها كبش
![سامح لطف الله يكتب: أصل الحكاية سامح لطف الله يكتب: أصل الحكاية](https://img.youm7.com/large/s720123017727.jpg)
مشاركة
اضف تعليقاً واقرأ تعليقات القراء
مشاركة