صورة أرشيفية
مشاركة
اضف تعليقاً واقرأ تعليقات القراء
أنا طفل ومن حقى أتعلم
من حقى مدرسة وكتاب
ليه ف طفولتى أنا أتالم
وبدل الفرحة ألقى عذاب
بأكتم حزنى ولا بأتكلم..
ولا بألعب ولا ليا أصحاب
ويوماتى ساعة الصبحية
ف الباصات أشوف الطلاب
بتغنى وتضحك وتهزر..
وأنا فى الورشة جنب الباب
أتابعهم بعنيا وأبكى..
كان نفسى يكون عندى أحباب
نتسامر مع بعض ونحكى..
ونتشارك سوا فى الألعاب..
ونذاكر مع بعض دروسنا..
ليه يا دنيا قطعتى الأسباب..
أصبح قلمى شاكوش بأيديا
وكتابى لوح صاج وهباب..
حتى أسمى أصبح بلية..
ونسيت أسمى بعد غياب
كل الدنيا ما سألت فيا..
ولا همها شكوى ولا عتاب
ولسة الباص بيمر عليا..
ولسة أنا واقف جنب الباب
مشاركة
