مرحبا بالسادة المستمعين
وصفتنا اليوم وصفة جميلة
مقاديرها كمان دى لكل الناس
مش بس فقير أو لأميرة
وصفتنا لكل المكتئبين
هات ورقك واكتب ويانا
بالفرح حنملى الكون أحلام
بالضحك نلون دنيانا
وادى المقادير
اتنين مقدار ضحكة وبسمة
ومعاهم كام سجدة لربك
حتحط عليهم كام دعوة
من وش بشوش يسعد قلبك
حنحط كمان حبة طيبة
ومعاها حنان وشوية حب
زوّدلى كمان بقى ف الأحلام
دى الطبخة لذيذة ترد القلب
يا سلام لو حبة من البهارات
دى الوصفة دى لسه مخلصتشى
بهارتنا سعادة أمل وحنان
حطلنا كمان حبة طرشى
اضحك للدنيا حتضحكلك
وارسم بإيديك بسمة جميلة
بالفرح حتشطب أى دموع
واسمح للبسمة تعود لينا
ف ختام الحلقة أنا بدعيلكم
يجعل أيامكم فرح وسرور
ويارب الوصفة دى تعجبكم
وإن جانا الحزن مسيره يغور
أرشيفية
لا توجد تعليقات على الخبر
تم أضافة تعليقك سوف يظهر بعد المراجعة