د. صبرى إسماعيل يكتب: إيد واحدة

مصر التاريخ ملحمة----------مُسلِم مع أقباط
حامى الحِما فى السما-------عامل عليها رِباط
لو غدر خان قمحهم------أو جِه فى مرة شاط
يلقى السِلاح قلبهم-----------من كافة الأنماط

******

إيد واحدة ضد العِدا-------حتّى اسألوا سيناء
شُعلة غضب ولّعِت------ترمى على الأعداء
والدم سال واختلط----------مايهمّنا الأسماء
فى أرضها وابنها--------قال التاريخ ما شاء

******

والمدنة طول عُمرها--تِهدى السلام ل صليب
رحمة ومن ربّها-------عُمر السلام مايخيب
يبنى ربوع الوطن--------يعلا ويبقى نجيب
وتكون حضارتى التمن-----مايشقّنا ألاعيب

******

سيدى النبى بيقول------استوصوا بيهم خير
بالفِعل مش بالقول----عمرو وصحابة الخير
زرعوا الأمل والعمار----عاشت بلدنا بخير
ماهزّها إعصار----------ولا هزّها شرّير