توفيق ميخائيل يكتب: زى الأحبة

السبت، 30 أغسطس 2014 12:01 ص

صورة أرشيفية

اضف تعليقاً واقرأ تعليقات القراء

شوق الورق للقلم ما بينتهيش
كان وموجود وباقى
مجرد ما تنتهى من كتابة وترفع القلم
تشتاق للكتابة زى عطشان لساقى
الكلمة بنت الورق والقلم
تقراها مجرد ما يحصل تلاقى
تاريخ علوم أدب
على الورق ممكن
لولا الورق والقلم
كانت حياتنا بقت شراقى
مشققة وجافة
من غير ترع أو سواقى
الورق والقلم يتقابلوا زى الأحبة
يدونا كل ماهو راقى
لكن لو شوق الورق للقلم فتر أو قل
مافيش غير شخبطة وسفه
وكلام من غير معنى تلاقى