على الرملة اللى دوسنا عليها بأقدامنا بنيت فى قصور
كتبت اسمك على الرملة لقيت اسمك بيتحنا ويبدر نور
وفجأه البحر من جنبى لقيته جه قعد جنبى وست بحور
وعشاق لفوا حواليا وسمكة وحوت وجنية ووقفوا طابور
ودا اسمك!.. فلو شافوا فى يوم حسنك يقولوا دى حور
حبيبتى أزاى راح أوصفها وأنا شاعر على قدى
يا دوب اكتبلى كام كلمة فيتقلب الكلام ضدى
سألت حروفى ليه رافضه تطاوعينى ؟
قالتلى أزاى راح أوصفلك..فى واحدة حسنها معدى!
لقيت قلمى سايب أيدى وجه طبطب على كتفى
وقالى العيب ماهوش عيبك ومهما وصفت مابيكفى
دا ضى قمرنا من نورها ولمسة أيدها دى بتشفى
فريحنى من الماسكة ولو لسه هوصفها هقولك ربنا يشفى!
صورة أرشيفية
