بالفيديو..مواطن يستغيث بـ"السيسى":"ظابط فى قسم عين شمس مطلع عينى وأخوه عاوز منى فلوس"

استغاث المواطن صابر المرشدى بالرئيس عبد الفتاح السيسى قائلا :" أنا مظلوم وابنى هيموت ثمن الظلم دا فيه كافتيرا عندنا فى منطقة عين شمس بتاعة أخو ظابط وابنى كان معزوم على عيد ميلاد هناك وقامت خناقة وابنى اتضرب بالنار والمكان اتكسر كله واتفاجئنا بصاحب الكفتريا بيقولنا عاوز منكم 25 ألف جنية بحجة أن الكافتيريا اتكسرت ومرضيناش ندفع عشان ابننا مظلوم ومعملش حاجة ومش احنا أصحاب الخناقة كل ذنبنا إن إبنى كان موجود وقت الخناقة وكمان معناش فلوس ندفع ".

واستطرد صاحب الرسالة قائلا:" صاحب الكافتيريا استغل أخوه الظابط وعملنا محاضر ولفق لنا قواضى واتحكم على ابنى بـ3 سنين سجن وطلع فى العفو الأخير بتاع الرئيس ولكن الظابط قالله مش هتخرج ودخله الحجز تانى وقال للمساجين مش عاوزه صاحى وبالفعل اعتدوا عليه وهو فى العناية المركزة فى مستشفى هليوبوليس ونفسى أخد حقى من الظابط الظالم".