مساء الخير يامينا...مساء الخير يا محمدين
قولى يا محمدين........تعرف متى راجعين؟
نرجع منين يامينا....احنا فى أرضنا جاعدين
سينا غاليه علينا...........فيها دم المصريين
جم الأوغاد سكنوها. .....نتركهم ونروح فين
العركة هتكون كبيره.......واحنا لهم راصدين
حالفين نطهر دروبها........نعمل مليون كمين
حالفين نطرد كلابها.......اهلها كمان حالفين
حالفين يكونوا معانا..........ولو تطول سنين
عارف ياخويا مينا............اللى يحزن حزين
إن العدو منينا................بس دول خاينين
قبضوا ثمن الخيانه...........بس مش عارفين
إن البلد دى واحده............وبتطرد الفاسدين
هو ده حال مصر................من آلاف السنين
مينا سأل وقال..................كل دا لحساب مين
أعداء بلدنا كتير.........جلوبهم جلوب حاقدين
نجول كفاية خلاص..........يجولوا باسم الدين
دين مين يا ولد.....................احنا لكم خابرين
دين البلد دى واحد.........جبتوا الكلام دا منين
عارفين مين وراكم............وبيدفع لكم ملايين
والله لو ميت بلد..................دا جنودنا جبارين
جيش مصر يا ولد.........شديد رجاله معروفين
أصل الكرامه يا ولد..........حاجه مش حاجتين
اخرج وسيب البلد..............احنا مش ناجصين
عيال وعاملين مشايخ....يفتوا فى أصل الدين
أزهرنا فيه مشايخ............فى الدين متأصلين
لا شفنا قتل ودمار..........ولا شفنا ناس ميتين
ولا شفنا أشكال زيكم......على الخراب ناويين
بجلك ايه يا ولد.................احنا لكم صاحيين
واجفين وبالمرصاد.....صاحيين ومش نايمين
راح نطهر بلدنا...............منكم ومن الخاينين
تم أضافة تعليقك سوف يظهر بعد المراجعة