لا بحب الكلام ولا القيل ولا القال ....ومابقولش .. حاجة
إحساسى صعب ..تحس إنك فجأة .انت نفسك . ولا حاجة
تقول لمين وتحكى إيه و لمين...أبدا ياعم .. مافيش حاجة
واقول إيه وأعيد ليه...مابقتش ..ياإبنى فارقة حاجة
الحمد لله أدينا عايشين .. ناقصنا إيه ولا حاجة
اللقمة أهه والهدمة أهه .. وأنا مش محتاجة حاجة
أكيد فى القلب ميت انكسار .. وميت دمار .. ودة كدة .. أقل حاجة
ولا عندى كلام... ولا حتى سلام .. هوا أنا حتى ...لحقت اقول حاجة
قصدت بابك ياكريم .. فلك السؤال ولك الحاجة
اكرمنى فانت ياربى حسبى .. وعوضنى عن كل حاجة
اناجيك ربى فأكرمنى بعفوك ورضاك عنى .. ياربى بكل حاجة
فاضت العين وضاق الفؤاد ..من الف حاجة وحاجة
يارب ادعوك الغنى عن الدنيا والناس وعن الحاجة
لا بحب الكلام ولا القيل ولا القال.. هوا أنا حتى .. قلت .. حاجة !!!!
أرشيفيه
