د. صبرى إسماعيل يكتب: رجال زمان

السبت، 21 نوفمبر 2015 08:00 ص

صورة أرشيفية

اضف تعليقاً واقرأ تعليقات القراء

كان زمان فى الحارة راجل
فى الرجولة بألف راجل
والسلام والحب فيه
لما ننده بنلاقيه
في الحنان الله عليه
والشهامة برضه فيه
يااه ياخلق-ازاى اقوله واوصفه
مهما احاول –عمرى أبدا ما انصفه
همّا دول جدعان زمان
رمز وافى للأمان
مش منافق أو غتوتى وألعوبان
قرشهم كله حلال-
من عرقهم –من شقاهم
مش يبيعوا الكدب والسعر الدولار
مش يبيعوا الوهم فى سوق المرار
أو يسوقوا الأمة للموت والدمار
كان كفاحهم ضد جند المعتدين
والعدو كان اسم بارليف اللعين
هى دى مصر اللى كانت
دول ولادها الطيبين